«Хадаар түһүлгэтэ» өрөспүүбүлүкэтээҕи мас тардыһыы күрэхтэһиитэ биһиги нэһилиэкпитигэр быйыл үһүс сылын ыытыллар. Быйылгы күрэхтэһии С.Д. Флегонтов аатынан Хадаар орто оскуолата төрүттэммитэ 110 сылыгар ананна.
Мас тардыһыы күрэхтэһиитигэр тренердэри кытта кэпсэтиибэр биири өйдөөтүм: хас биирдии ситиһиилээх спортсмен кэннигэр дириҥ көрүүлээх, уопуттаах тренер турар.
Тренер хас биирдии иитиллээччитин кэтээн көрөр. Оҕо удьуорун, төрдүн-ууһун кытта ырытан, күүстээх өрүттэрин булан сайыннарар. Оҕо ис санаатын арыйан, кинини кытта кэпсэтэн интэриэһин күүһүрдэр. Дьарыктарын оҕоҕо сөптөөх гына былааннаан, төрөппүтү кытта тэҥҥэ үлэлээн оҕону ситиһиигэ тириэрдэр.
С.Д. Флегонтов аатынан Хадаар орто оскуолатын тренера Леонид Николаевич Николаев бу улахан күрэхтэһиигэ 10 уолу уонна биир кыыһы бэлэмнээн кытыннара сылдьар. Леонид Николаевич иитиллээччилэрэ өрөспүүбүлүкэ хас да төгүллээх кыайыылаахтара.
Тренер: «Оҕолорбор олус долгуйабын. Утарсааччылар бары да биир байыылаахтар», – диэн этэр.
Леонид Николаевич физкультура учууталынан, тренеринэн үлэлээбитэ 26 сыл буолбут.
Онтон Амма улууһуттан Покровка нэһилиэгиттэн сылдьар тренер Иван Анатольевич Петров 19 уолу уонна 3 кыыһы күрэхтэһиннэрэ аҕалбыт. Оҕолорун нэдиэлэ сэттэ күнүгэр барытыгар дьарыктыыр. Иван Анатольевич оҕо сылдьан бэйэтин баҕатынан мас тардыһыытынан дьарыктаммыт. Билигин бэйэтин билиитин эрчийэр оҕолоругар иҥэрэр.
Мас тардыһыы көрүҥэр маннык бэриниилээх, баҕалаах тренердэр үлэлиир буоланнар, саҥаттан саҥа чемпионнар иитиллэн тахсаллар. Онон тренердэргэ махтаныаххайыҥ!
Байдам ЕФИМОВ, V кылаас,
С.Д. Флегонтов аатынан Хадаар орто оскуолата, Чурапчы