Үтүө күнүнэн! Мин аатым Вадим Спиридонов. Уус Алдан улууһун Лөгөй лиссиэй-интэринээт 3 кылааһын үөрэнээччитэбин. Мин төрдүм ууһум — удьуор үлэһит дьон. Бүгүн мин эһиэхэ билиһиннэриэм.
Мин, хос эһээм Бережнев Егор Петрович Үлэ, тыыл бэтэрээнэ, ааҕар-суоттуур бухгалтер идэлээх.
Хос эбээм Готовцева Марфа Иннокентьевна Герой Ийэ, оҕо иитиитигэр уһуйааҥҥа үлэлээбитэ.
Хос Эһээлээх, эбээм Лөгөй нэһилиэгин бочуоттаах олохтоохторо.
Эдэр эрдэхтэриттэн үлэни өрө тутан, сүөһү-сылгы ииттэн, 10 оҕолорун бэйэлэрин холобурдарынан үлэнэн иитэн, бука-бары үлэһит, дьоһун ыаллар.
Эһээм Бережнев Егор Егорович коммунальнай хаһаайыстыба биир тутаах үлэһитэ, уһун сылларга дьон сылаас дьиэҕэ олороллорун, үлэлииллэрин туһугар кочегар ыарахан үлэтигэр үлэлээбитин чиэстээн коммунальнай хаһаайыстыба Ветерана үрдүк аат иҥэриллибитэ.
Эбээм Бережнева Агафья Владимировна оҕолор элбэх битэмииннээх, бэйэ бородууксуйатынан аһыылларын хааччыйар завхоһунан уһуйааҥҥа үтүө суобастаахтык үлэлээбитин бэлиэтээн «Лөгөй махтала», Кэптэнитээҕи быыбардыыр учаастак салайааччытынан уһуннук биир да сыыһаны таһаарбакка үлэлээн «Лөгөй нэһилиэгин социально-экономическай сайдыытын иһин» бэлиэлэлэр хаһаайкалара.
Мин эбээлээх, эһээм олус үлэһиттэр, сүөһү, сылгы иитэллэр. Биһигини сиэннэрин үлэҕэ көҕүлээн сайынын окко-маска илдьэ сылдьаллар, бука-бары бииргэ сир астыыбыт, сынньанабыт.
Мин аҕам Спиридонов Вячеслав Егорович олус сатабыллаах, кини маһынан да, тимиринэн да уһанар, сварщик идэлээх коммунальнай хаһаайыстыбаҕа үлэлиир.
Мин ийэм Спиридонова Нюргуяна Егоровна хос эһээм курдук ааҕар-суоттуур бухгалтер идэлээх, олохтоох дьаһалтаҕа үлэлиир.
Мин эһээлээх, эбээм, аҕаалаах ийэм оскуолаҕа үөрэнэр эрдэхтэн эппиэтинэстээх, буолуохтааххын, оччоҕуна улааттаххына үлэһит бэрдэ буолуон диэн үөрэтэллэр.
Чугас дьонум бары тустаах үлэлэрин таһынан сүөһү-сылгы ииттэллэр. Онон кинилэр миэхэ холобур буолаллар.
Сиһилии видеоҕа көрүҥ:
Вадим Спиридонов, Лөгөй лиссиэй-интэринээт 3 кылааһын үөрэнээччитэ