Ахсынньы 19 күнүгэр М.Е. Васильева аатынан 2 Малдьаҕар орто оскуолатыгар “Орлята России” бэстибээл алын сүһүөх үөрэнээччилэрин муста. Манна барыта түөрт оскуола хамаандата кытынна, ол курдук Булгунньахтаах, 2 Малдьаҕар, Тиит-Арыы орто оскуолалара уонна 3 Малдьаҕар оскуолатыттан хамаандалар кэлэн, хас да түһүмэххэ күрэхтэстилэр.
Ол курдук бастаан бары бэлэмнэнэн кэлбит визиткаларын көрдөрдүлэр, онтон станцияларынан сырыттылар. Ол курдук “Эрудит” диэн станцияҕа викторинаҕа кытыннылар, таабырыннары таайдылар, араас ыйытыыларга эппиэттээтилэр. “Мастер” станцияҕа бары эрдэттэн оҥорон аҕалбыт оҥоһуктарын көрдөрдүлэр. “Лидер” станцияҕа бэлэмнэнэн кэлбит дакылааттарын кэпсээтилэр, ким тугу үлэлиирин көрдүбүт, биллибит.
Түмүккэ, кыайыылааҕынан Булгунньахтаах оскуолатын хамаандата тахсан, “Орленок-Эрудит”, “Орленок-Мастер” номинациялар хаһаайыннарынан буолла.
2 Малдьаҕар оскуолатын хамаандата “Самая находчивая команда”, “Наставники орлят” номинациялары ылла, Тиит-Арыы оскуолатын хамаандата “Орленок-Лидер”, “Самая дружная команда” ааты ылла, 3 Малдьаҕар оскуолатын хамаандата “Визитная карточка” номинацияҕа кыайда.
Онон оҕолор бары үөрэн-көтөн, дьиэлэригэр тарҕастылар.
Эльдар Заитов,
М.Е. Васильева аатынан
2 Малдьаҕар орто оскуолатын
7 кылааһын үөрэнээччитэ.