Ахсынньы 19 күнүгэр Саха Өрөспүүбүлүкэтин Ил Дархана Айсен Сергеевич Николаев Ил Түмэҥҥэ Анал этиитин оҥорбута.
Бу туһунан оскуолабыт омук тылын учууталын, Өрөспүүбүлүкэтээҕи “Сыл бастыҥ учуутала” куонкурус призера Пахомов Василий Егоровичтан бэйэтин санаатын этэригэр көрдөстүбүт:
“Айсен Сергеевич этиитэ Арктика олоҕун-дьаһаҕын тупсарыы, оҕону патриотическай өйгө-санааҕа иитии, муоста тутуутун туһунан уонна да атын сүрүн боппуруостары таарыйда. Үөрэхтээһин чааһыгар саҥа оскуолалар, оҕо уһуйааннара киирэллэрэ былааннаналларын кэрэхсии иһиттим. Кэлэр сыл Саха сиригэр Дойдуну көмүскээччилэр сылларынан биллэриллибитэ оруннаах дии саныыбын. Биһиги кэлэр ыччаттарбытыгар төрөөбүт дойдуга тапталы, эппиэтинэстээх сыһыаны ииттэхпитинэ эрэ кэскиллээх буолабыт.
Мин дьиэ кэргэннээх киһи буоларым быһыытынан, дьиэ кэргэҥҥэ туһааннаах этиилэри эмиэ олус сэргээтим. Бу этиилэр барыта олоххо киириэхтэрэ диэн эрэнэн туран, барыгытын кэлэн иһэр Саҥа Дьылынан эҕэрдэлиибин!”
Платонова Диана, 8 кылаас,
«Үрдэл-медиа» корреспондена,
Төхтүр оскуолата