Харбалаахтааҕы үөрэхтэһин холбоһугун бары үөрэнээччилэрэ «Посади дерево» акцияҕа кытынныбыт. Сүүһүнэн маһы олортубут. Нэһилиэк администрациятын леснига Ньургун Васильевич Татаринов кэлэн оскуола территориятыгар олордор сирдэрин бэлэмнииргэ көмөлөстө.
Маҥнайгы кылаастан саҕалаан бу акцияҕа көхтөөхтүк кытынныбыт. Кыра кылаастарга учууталлар, улахан кылаас оҕолоро үөрэ-көтө көмөлөстүлэр. Хас биирдии үөрэнээччи олордубут маспытын көрө-истэ эрэ сырыттахпытына, үчүгэйдик үүнүөхтэрин сөп. Урут биһиги Харбалаахпыт хатыҥ чараҥ быыһыгар тутуллубута. Онон көҕөрдүү үлэтэ сылын аайы көхтөөхтүк ыытыллара олус наадалаах!
Бу акцияны биология уонна география учуутала Диана Егоровна Соломонова көҕүлээн тэрийдэ.
Лейла Никонова, Харбалаахтааҕы үөрэхтээһин холбоһугун 8-с кылааһын үөрэнээччитэ.