Алтынньы 12-13 күннэригэр Лөгөй лиссиэй-интернатыгар 24-с төгүлүн ыытыллар Республиканскай ≪Лөгөй Мадьынылара≫ мас тардыһыы күрэҕэ ыытылынна. Барыта республика 8 улуустан 249 кыттааччы кэлэн күрэххэ кыттыыны ылла. Ол курдук, Горнай, Таатта, Мэҥэ Хаҥалас, Чурапчы, Нам, Дьокуускай куорат, Хатас, Хаҥалас уонна Уус Алдан мадьынылара күөн көрүстүлэр.
Күрэх аһыллыытыгар мадьынылар бары параадтаан киирдилэр. Күрэх кылаабынай судьуйата Ким Бубякин оҕолорго ситиһиини баҕаран туран күрэх арыллыбытын биллэрдэ. Күрэх бастакы күнүн кэннэ лиссиэй волонтердара кэлбит ыалдьыттарга күөх экраҥҥа киинэ көрдөрдүлэр, дискотека тэрийдилэр. Медиа киин юнкордара 2-с миэстэлээх Артур Алексеевтыын кэпсэттибит. Артур бэйэтэ бастакы сылын дьарыктанар эбит. Онон ≪Лөгөй Мадьынылара≫ күрэххэ бастакытын кыттар.
Ситиһиилээхтик кыттыыбытыттан үөрэр уонна түгэнинэн туһанан ийэтигэр Елена Алексеевна Алексееваҕа, тренердарыгар Готовцев Иван Степановичка, Мигалкин Айсен Петровичка махталын тириэрдэр.
Икки күннээх тыҥааһыннаах күрэхтэр түмүктэринэн хамаанданан түмүк таҕыста ол курдук
1 миэстэ Бэрдьигэстээх ( Горнай )
2 Миэстэҕэ Ытык-Күөл ( Таатта )
3 миэстэ Төхтүр ( Мэҥэ Хаҥалас ).
Кыайыылаахтар спонсордар туруорбут бириистэрин тутан үөрүүлэрэ үрдээтэ.
Лөгөй лиссиэй-интернат юнкордара: Павел Герасимов, Янис Сысолятин, хаартыскаҕа түһэрдэ Родион Перевалов «SiTiM LegMedia» хамаандата