ЮНКОР БЭЛИЭТЭЭҺИННЭРЭ
“Азия оҕолоро” VIII спортивнай оонньуулар волейболга уолаттар күрэхтэһиилэригэр хамаандалар хайдах оонньообуттарын кэтээн көрдүм. Ол түмүгэр маннык хартыына таҕыста.
ДАЛЬНЕВОСТОЧНАЙ ФЕДЕРАЛЬНАЙ УОКУРУК (ДФО) — САХА ӨРӨСПҮҮБҮЛҮКЭТЭ
Дальневосточнай Федеральнай уокурук (ДФО) сүүмэрдэммит хамаандата
Кылаабынай тренер – Наумова Юлия Валентиновна
Тренер – Борцов Дмитрий Александрович
1.Билешевич Владимир; 2. Цырук Михаил; 3. Винник Кирилл; 4. Силютин Степан; 5. Гофман Степан; 7. Егоров Никита; 8. Андреев Андрей – капитан; 9. Зубарев Данил; 10. Лащенко Дмитрий; 11. Булгаков Артем; 12. Луговой Андрей; 15. Домарев Семен.
Саха өрөспүүбүлүкэтин сүүмэрдэммит хамаандатын састааба
Кылаабынай тренер – Жерготов Айсен
Тренер – Иванов Бэргэн
1. Окоемов Егор – либеро; 2. Ефимов Альберт; 3. Данилов Айсен – либеро; 4. Тышканбаев Саян; 5. Афанасьев Алтан; 7. Иванов Арсен; 8. Мыреев Будимир; 9. Портнягин Артур; 10. Парников Валерий – капитан; 11. Шишигин Сулустан; 12. Баранкевич Алексей; 14. Федоров Дмитрий.
03.07.2024. Бастакы подачаны Саха өрөспүүбүлүкэтин хамаандата таһаарар, очкону ДФО ылар. Салгыы хамаандалар икки ардыларыгар оонньуулар тэбис тэҥҥэ тилэх баттаһан баран истилэр. ДФО хамаандатыгар Андрей Луговой чаҕылхайдык оонньуур. Күүскэ быһар. Бастакы партия 25:23 ахсааҥҥа ДФО туһатыгар түмүктэннэ. Тохтобул кэмигэр “Кындыкан” этно-акробатическай оскуола кыргыттара үҥкүүлээтилэр.
Иккис партия саҕаланар. Бастакы очкону биһиги дьоммут ылаллар. Оонньуу тыҥааhыннаахтык, өрө күүрүүлээхтик барар. Хамаандалар хайалара да иннин биэриэн баҕарбат. Ол сөп. “Азия оҕолоро” кинилэргэ хас биирдиилэригэр суолталаах. Саха өрөрспүүбүлүкэтин хамаандатыгар Альберт Ефимов бэркэ оонньуур. Икки очкону аҕалла. Онон биһиги уолаттарбыт инники таҕыстылар. ДФО ыксыыр. Тайм-аут ылар. Оонньуур тактикаларын уларыппыттара тута көстөр. Инники таҕыстылар. Иккис партия 25:23 ДФО туһатыгар буолла.
Үһүс партия саҕаланар. ДФО субуруччу икки очкону ылар. Саха өрөспүүбүлүкэтин хамаандатын спортсмена Артур Портнягин күүстээх охсуутун утарсааччылара кыайан ылбатылар. Саалаҕа олорооччулар ыһыы-хаһыы, Саха сирин хамаандатыгар ыалдьаллар. Биһиги дьоммут 7:15 очконан инники тахсан иһэллэр эрээри ДФО чахчы күүстээх хамаандатыттан кыайыыны ылар кыаллыбата.
Уопсай түмүккэ кыайтарыы. Ол эрээри мин манна биири бэлиэтии көрдүм.
Биһиги уолаттарбыт төһө да хотторбуттарын, «уҥуохтарынан кыралар» диэбиттэрин иһин, кинилэр сахалыы мындырдык оонньоотулар. Хас биирдии хамсаныылара булчукка майгынныыр. Саха киһитин сэмэй майгыта бу оонньууларга элбэхтик көһүннэ. Биллэн туран, волейболга ол барсыбат буолуон сөп эрээри, омук быһыытынан уратыбытын илдьэ сылдьарбыт эмиэ куһаҕана суох. Ити мин тус санаам.
***
УРАЛЬСКАЙ ФЕДЕРАЛЬНАЙ УОКУРУК (УФО) – КЫРГЫЗСТАН ӨРӨСПҮҮБҮЛҮКЭТЭ
Уральскай Федеральнай уокурук (УФО) сүүмэрдэммит хамаандата
Кылаабынай тренер – Березина Елена
Тренер – Фролова Светлана
1. Латышев Дмитрий; 2. Морозов Василий – капитан; 4. Суворов Роман; 5. Кравченко Андрей; 6. Каменский Даниэль; 7. Бабешин Алексей; 9. Беляев Кирилл; 10. Фомин Даниил; 11. Маслов Арсений; 12. Барковский Андрей; 15. Швец Иван; 19. Муртазин Даниил – либеро.
Кыргызстан өрөспүүбүлүкэтин сүүмэрдэммит хамаандата
Кылаабынай тренер – Алиев Бакыт
Тренер – Тойчубенов Нурлан
1/Жоробеков Элдос – либеро; 3. Жаныбеков Курманбек; 4. Каимов Абдыкадыр; 5. Ашимжанов Ислам; 6. Курманбеков Аскатбек; 7. Исмаилов Мелис; 8. Казаков Эржан; 9. Медетов Алихан; 10. Гамбаров Арген; 10. Махамматшарипов Аляса – капитан; 14. Жээнбеков Даниэл.
04.07.2024. Бу киирсиигэ кыайбыттартан биирдэстэрэ бэһис миэстэ буолар. Онон хас биирдии хамсаныы чуолкай, сыыһата суох буолуохтаах. Тыҥааһыннаах киирсиилэр саҕаланнылар. Бастакы очкону Кыргызстан хамаандата сурунар. УФО подачатf күүһэ бэрт. Аут түһэ турар. Бу хамаандаҕа Иван Швец күүстээх быһыыта быһаарыылаах очколары аҕалар. Ахсаан 2:2. УФО өссө биир күүстээх быһааччыта Даниил Фомин хамаандатыгар хас да очкону аҕалар. Бастакы партия 25:19 УФО туһатыгар түмүктэнэр. Тохтобул кэмигэр “Кынлыканнар” үҥккүүлэрин көрдүбүт. Салайааччы Дарина Семенова.
Иккис партия саҕаланар. Бастакы очкону УФО ылар. Оонньуу саҕаланыыта 5:5 тэҥҥэ баран иhэллэр. Кыргызстан хамаандата сыыһа-халты хамсанан, очко 14:10 буолар эрээри ситэр санаалаахтар. Кыргызстан оонньооччуларын да, тактикаларын да уларытан көрдө, туһалаабата. Иккис партия 18:25 ахсааҥҥа УФО туһатыгар буолла.
Үһүс партия саҕаланар. Бастакы очкону Кыргызстан ылар. Оонньуу тэҥҥэ баран иһэр. УФО инники тахсар, онтон Кыргызстан тахсар. Итинник эрбии биитин курдук тэҥҥэ баран иһэллэр. Ыксаллаах кэмҥэ икки хамаанда иккиэн утуу-субуу тайм-аут ылаллар. Харса суох түргэнник тактикаларын уларытан иһэллэр. Ол аайы волейбол оонньуута сытыырхайан иһэр. Үһүс партияны 25:23 ахсаанынан Кыргызстан хамаандата кэтэспит кыайыытын дьэ ситиһэр.
Төрдүс партия саҕаланар. Бастакы очко УФО хамаандатыгар барар. Салгыы Алихан Медетов, Аскатбек Курманбеков күүстээх быһыылара Кыргызстан хамаандатыгар утуу-субуу очколары аҕалар. УФО быһааччыта Даниил Фомин ситэ баттаан ылар, өссө аһары түһэр. Ахсаан 10:6 УФО туһатыгар. Төрдүс партия түмүгэр күүстээх быһыытынан, блогунан УФО хамаандата кыайыыны ситистэ уонна уопсай түмүккэ бэһис миэстэни ылла.
Алена КСЕНОФОНТОВА, VII кылаас, Хадаар, Чурапчы
“Азия оҕолоро” пресс-киин юнкора
Ааптар хаартыската