“Азия оҕолоро” VIII спортивнай оонньуулар волейболга күрэхтэһиитин кылаабынай судьуйатынан Сергей Андреевич Сениченко үлэлээтэ. Кини Россия таһымнаах судьуйа. Күрэхтэһии кэмигэр биһиги Сергей Андреевыһы көрсөн кэпсэттибит https://vk.com/wall-199463452_21439
– Үтүө күнүнэн, Сергей Андреевич, волейболга кылаабынай судьуйа быһыытынан, “Азия оҕолоро” оонньуулар холобурдарыгар бу көрүҥ оҕолорго хайдах сайдан иһэрин туһунан аҕыйах тылы этиэххит дуо?
– Биһиги дойдубутугар волейбол сайдыбыт көрүҥ буолар. Биһиэхэ эрэ буолбакка, Азия дойдуларыгар эмиэ сайдыбыт көрүҥ буоларын барыллаан оонньооһуннар түмүктэрэ бигэргэттилэр. Казахстан, Узбекистан хамаандалара үчүгэй оонньуулары көрдөрөллөр. Беларусь өрөспүүбүлүкэтин хамаандата олус үчүгэйдик оонньуу сылдьар.
Уральскай, Сибирскэй Федеральнай уокуруктар үрдүк таһымнаах оонньууну көрдөрөн, волейболга лидер буолалларын, бэйэлэрин авторитеттарын бигэргэттилэр.
Кырдьык, үчүгэй киирсиилэр буола тураллар. Дьон сөбүлээн көрөр. Кыттааччылар тугу сатыылларын бүтэһигэр диэри көрдөрөн оонньууллар. Волейбол күрэхтэһиитэ бырааһынньык тыыныгар ыытылла турар. Бүгүн, от ыйын 6 күнүгэр, барыгытын финальнай киирсиилэргэ күүтэбит.
– “Азия оҕолоро” оонньуулар атын күрэхтэһиилэртэн уратыларын туохха көрөҕүтүй?
– Бу бэйэтэ кыра олимпийскай оонньуулар. Тоҕо диэтэххэ, бары хамаандалар спорт бары көрүҥнэригэр кытталлар. Хамаанданан зачет ааҕыллар. Онон хамаанда барыта уопсай түмүк туһугар кыһаллар. Атын азиатскай өрөспүүбүлүкэлэртэн ыалдьыттар бааллар. Кинилэр бары бэйэ-бэйэлэригэр доҕордуу истиҥник сыһыаннаһаллар, билсиһэллэр. Онтон Саха сирин дьоно бэйэлэрин эрэ хамаандаларыгар буолбакка, волейбол кыраһыабай түгэннэрин барытын өйүүллэр.
Волейбол кэрэтин өйдүүллэрэ уонна сыаналыыллара – бу саха дьонун волейбол туһугар ыалдьар биир саамай улахан уратылара буолар.
– Эһиги волейбол билиҥҥи тренердэригэр тугу сүбэлиэххит этэй?
Билиҥҥи тренердэр оҕо бэйэтин күүһүн-кыаҕын, билиитин, сатабылын барытын волейболга ууран биэрэрин курдук гына биһиги волейболбутун көхтөөхтүк сайыннаралларыгар баҕарыам этэ. Тренер эппиэтинэстээх үлэ: “выигрывает всегда команда, а проигрывает тренер”.
Ол иһин тренергэ көннөрү спортсмены буолбакка, дьиҥнээх киһини иитэн таһаарар улахан эппиэтинэс сүктэриллэр.
Алена ТАППЫРОВА, VI кылаас, Уолба, Таатта,
“Азия оҕолоро” оҕо пресс-киинин юнкора
Вилена Стручкова видеота, VIII кылаас, Чурапчы
Монтаж Алена Таппырова
Ааптар хаартыската