СӨ Оҕо саас сылын дирекцията, Н.Е. Мординов-Амма Аччыгыйа аатынан «Кэскил» оҕо бэчээтин кыһата, «Саха» национальнай көрдөрөр-иһитиннэрэр хампаанньа Саха Өрөспүүбүлүкэтигэр Оҕо саас сылын көрсө муус устар 27 күнүгэр «Гаджеппын көрүөххэ» эдэр кэрэспэдьиэннэр күрэхтэрин биллэрбитэ. Хас чэппиэр аайы аны «Саха» НКИК канаалыгар сарсыардааҥҥы «Саҥа күн» биэриигэ «Гаджеппын көрүөххэ» саҥа рубрика таһаарыыларын көрөҕүт.
Бу чэппиэргэ, ыам ыйын 30 күнүгэр, «Гаджеппын көрүөххэ» биэрии 7-с таһаарыыта тахсар. Буолар бириэмэтэ: 07:41 мүн. Көтүтүмэҥ!
Өскөтүн эн төлөпүөҥҥэр видео устары сатыыр, медиа эйгэтигэр бэйэҕин холонон көрүөххүн баҕарар буоллаххына, «Гаджеппын көрүөххэ» күрэх эйиэхэ ананар!
Бастыҥ үлэлээх оҕолор «Бэс Чагда» оҕо сынньанар уонна чэбдигирэр киинигэр босхо путевка тутуохтара!
Сүрүн бириис — «Якутия» Авиакомпанияттан Дьокуускай-Москва-Дьокуускай айан төлөбүрүгэр сертификат!
Күрэх бу дьыл муус устар 27 күнүттэн алтынньы 1 күнүгэр дылы ыытыллар.
Сиһилии күрэх балаһыанньатыгар билсиҥ: КҮРЭХ БАЛАҺЫАННЬАТА
«Гаджеппын көрүөххэ» биэрии инники таһаарыыларын манна көрүҥ: ПЛЕЙЛИСТ
keskil14.ru