Улуу Кыайыы күнүн көрсө биһиэхэ, Намҥа, З.А. Тихонова аатынан «Түөлбэ» эбии үөрэхтээһин тэрилтэтигэр араас хабааннаах тэрээһиннэр ыытыллаллар. Бүтүн Арассыыйатааҕы «Окна Победы» акцияҕа куруһуоктар, түмсүүлэр көхтөөхтүк кытыннылар.
Ыам ыйын 8 күнүгэр «Түөлбэ» библиотекара Потапова Ольга Ивановна Улуу Кыайыыга аналлаах тематическай бэсиэдэ оҥордо уонна кинигэ быыстапкатын туһунан олус интэриэһинэйдик кэпсээтэ. Кыайыы күнүн көрсө педагогтар сэриигэ, тыылга Кыайыыны уһансыбыт бэтэрээннэрин тустарынан хаартыскаларынан оҕолорго билиһиннэрдилэр. Салгыы «Кыраайы үөрэтэр» куруһуок салайааччыта мин «Саха сирэ Аҕа Дойду сэриитин кэмигэр» билиһиннэрдим.
Түмүккэ «Төрөөбүт дойдуҥ историятын төһө билэҕин?» викторинаҕа оонньоотулар.
Бу кэнниттэн куруһуоктар сыһыарыллыбыт ветераннарбытын, тыыл, үлэ ветераннарын, сэрии кэмин оҕолорун дьиэлэринэн сылдьан эҕэрдэлээтилэр.
Салгыы оҕолор санааларын үллэстэллэр:
Артем Гаврильев, Карина Кондакова, Санаайа Данилова, Туяра Хастаева: «Биһиги тыыл ветерана, сэрии кэмин оҕото Колесова Мария Климентьевнаҕа дьиэтигэр сылдьан эҕэрдэлээн кэллибит.Максим Аммосов» диэн хоһооммутун аахтыбыт. Уонна төрөппүттэрбитин кытта оҥорбут кыра бэлэхпитин туттардыбыт.
Ветераммыт сэрии ыарахан кэмигэр оҕо сааһын туһунан кэпсээтэ. Улахан дьону кытта тэҥҥэ сылдьан сааскы ыһыыга, бааһынаҕа оҕус сиэтэн үлэлиир этибит диэн кэпсээтэ. Биһиги ветераммытыгар баҕа санаабыт:
Артем: — Добра и счастья.
Карина и моя бабушка: — С днем Победы, дорогие наши ветераны! Мы помним о ваших подвигах и благодарим вас за победу, за мир и за нашу свободную жизнь! Любим вас и желаем вам крепкого здоровья и счастливых долгих лет жизни! Спасибо, дорогие, за Победу!
Туяра: — Счастья и здоровья.
Милана: — Поздравляю Вас с 9 Мая. Желаем вам здоровья и благополучия и ценю вашу помощь.
Н.И. Семенова, «Кыраайы үөрэтэр» куруһуок салайааччыта, Намнааҕы З.А.Тихонова аатынан «Түөлбэ» эбии үөрэхтээһин киинэ, Нам сэл.