Буолаары турар VIII «Азия оҕолоро» норуоттар икки ардыларынааҕы спортивнай оонньууга мас-тардыһыы спорт көрүҥүн кыттааччытын Харысхан Габышевы кытта Лилиана Попова «ОхлопковNews» медиа киин кэрэспэндиэнэ бу сайын буолаары турар кэпсэттэ.
– Үтүө күнүнэн! Бүгүн миигин кытта сэһэргэһиигэ Харысхан кэлэн олорор. Баһаалыста биһиги ааҕааччыларбытыгар бэйэҕин кылгастык билиһиннэр.
Харысхан: Үтүө күнүнэн, мин аатым Габышев Харысхан Майатааҕы Ф.Г. Охлопков аатынан орто оскуолатын 9 «а» кылааһын үөрэнээччитэбин.
– Мас тардыһыынан хас сыллаахтан дьарыктанаҕыный уонна тоҕо успуорт бу көрүҥүн талбыккыный?
Харысхан: Мас тардыһыытынан 2023 сылтан дьарыктанабын, бэйэм ис испиттэн сөбүлээн туран дьарыктанабын.
– Буолаары турар VIII «Азия оҕолоро» спортивнай оонньууга өрөспүүбүлүкэ сборнай састаабыгар киирэргэ төһө ыарахан этэй? Төһө элбэх түһүмэх ааспыккыный?
Харысхан: Өрүспүүбүлэкэ хамаандатыгар киирэргэ олус ыарахан этэ, бастакы түһүмэххэ иккис миэстэ буолбутум, онно олус куустээхтик дьарыктанан иккис миэстэ буолбутум. Ол кэнниттэн, кыһыны быһа дьарыктанан үһүс бутэһик түһүмэххэ иккис миэстэ буолбутум. Киирсэр оҕолор мин курдук олус күүскэ дьарыктаммыт этилэр, үһүс түһүмэҕим саамай ыарахан этэ.
– Бу успуорт көрүҥүнэн дьарыктаныан баҕарар оҕолорго тугу сүбэлиэҥ этэй?
Харысхан: Мас тардыһыынан дьарыктаныан баҕалаах оҕолорго сүбэлиэм этэ үчүгэйдик сэрэнэн дьарыктанарга уонна тулуурдаах буоларга.
Харысхаҥҥа улахан махтал! Буолаары турар VIII «Азия оҕолоро» норуоттар икки ардыларынааҕы спортивнай оонньууга уолбутугар элбэх ситиһиини баҕарабыт, олус күүскэ ыалдьабыт!
Лилиана Попова,
«ОхлопковNews» медиа киин кэрэспэндиэнэ
Ф.Г. Охлопков аатынан Майа орто оскуолатын
8 «а» кылаас үөрэнээччитэ, Мэҥэ Хаҥалас