Биһиги нэһилиэкпитигэр «Үрүҥ көмүс саастаахтар» диэн хаамыы күнэ ыытылынна. Тэрээһин Аан дойдутааҕы кырдьаҕастар күннэрин чэрчитинэн буолла. 55-тэн 80-гар диэри саастаах көхтөөх олохтоохтор кэлэн дьоһуннаахтык кыттыннылар.
Нэһилиэк баһылыга Тарас Лукич Тарасов мустубут дьону эҕэрдэлээтэ, алгыһын анаата уонна бэйэтэ эмиэ кыттыыны ылла.
Пенсионердар сэбиэттэрин салайааччыта Любовь Ивановна Филиппова хаамыы кэнниттэн доруобуйаны бөҕөргөтөр эрчиллиилэри көрдөрдө. Хаамыы түмүгүнэн, 1 миэстэни Варвара Васильевна Назарова ылла. Иккис – Мария Гаврильевна Митина уонна үһүс миэстэ Мария Еремеевна Оконешникова буоллулар.
Кыайыылаахтары уонна кыттааччылары ис сүрэхпититтэн эҕэрдэлиибит! Бу курдук олоххо куруук көхтөөх буолуҥ! Дьону-сэргэни бэйэҕит тула түмэ сылдьыҥ!
Вика БОРИСОВА, XI кылаас, «Мичээр» медиа-киин юнкора,
А.П. Илларионов аатынан Хайахсыт орто оскуолата, Чурапчы