Саха Өрөспүүбүлүкэтин кэрэ муннуга Нерюнгрига Саха норуотун баай култуурнай нэһилиэстибэтин харыстааһын уонна киэҥник тарҕатыы чаҕылхай символынан буолбут.
Олоҥхо Ыһыаҕа өрө көтөҕүүлээхтик ааста. Былыр-былыргыттан төрүттээх бу бырааһынньык.
Кузнецов куонкуруһугар Чурапчы, Үөһээ Бүлүү, Уус Алдан, Мэҥэ-Хаҥалас, Бүлүү, Томпо, Өлөөн, Амма улуустарыттан, ону тэҥэ Дьокуускайтан бастыҥ маастардар кытталлар. Кинилэр саха хомустарын, үгэс буолбут ох-сааны, таба тэрилигэр чуораактары, батыйаны, хотугу быһахтары оҥорууга маастарыстыбаларын көрдөрдүлэр.
Олоҥхо Ыһыаҕын чэрчитинэн «Өбүгэ үйэлээх ситимэ» («Өбүгэ үгэстэрин Тыыннаах утаҕа») таба тэриттэн чуораан оҥорууга тимирчиттэр өрөспүүбүлүкэтээҕи конкурстара буолан ааста. Сахалар култуураларыгар үгэс курдук улахан миэстэни ылар тимир ууһун сөргүтэр, өйүүр аналлаах. Бу куонкурус идэ дьиҥнээх бырааһынньыга буолла.
Өрөспүүбүлүкэ бары муннуктарыттан кэлбит тимир чочуйар уустар хас биирдиилэрэ дириҥ ис хоһоонноох, символизмнаах ураты оҥоһуулары оҥорон бэйэлэрин искусстволарын көрдөрдүлэр. Таба тэрилиттэн оҥоһуллубут чуораан тыаһа сибээһин, көлүөнэлэр утумнаах буолууларын уонна киһи айылҕаны кытта быстыспат ситимин кэрэһилиир.
Куонкурус маастарыстыбаны көрдөрөр площадка эрэ буолбакка, уопут атастаһар, билии-көрүү биэрэр, эдэр тимирчиттэргэ уопут биэристилэр. Куонкурус кыттыылаахтара үгэс буолбут техникалары, матырыйааллары туһаммыттара, ол эрээри бэйэлэрин үлэлэригэр аныгы кэм элеменнэрин киллэрбиттэрэ, уруккуну уонна билиҥҥини холбоон искусство айымньыларын айбыттара.
Олоҥхо Ыһыаҕын уонна өрөспүүбүлүкэтээҕи тимир ууһуттар куонкурустара саха норуотун култуурнай нэһилиэстибэтэ хайдах харыстабыллаахтык тутуллубутун, сайдан иһэрин чаҕылхай туоһута буолбуттара. Бу тэрээһиннэр духуобунай сыаннастары, патриотизмы, историятын, культуратын иһин киэн туттууну бөҕөргөтөргө көмөлөһөллөр.
Куонкурустарга биэс хомус, түөрт чуораан, алта ох уонна 19 быһах оҥорооччу кыттыыны ыллылар. Кыайыылаахтары дипломнарынан уонна харчынан наҕараадалатылар.
Гаврил ПРОКОПЬЕВ, IX кылаас, Абаҕа, Амма