Бу бэлиэ күнү көрсө, олохтоох кинигэ дьиэтэ тэрийэн ыыппыт сытыы-хотуу остуол оонньууларын күрэҕэр оскуолабыт үөрэнээччилэрэ уонна учууталлара биир киһи курдук көхтөөхтүк кыттан бэйэлэрин сатабылларын уонна сомоҕолоһууларын көрдөрдүлэр.
Харахха быраҕыллар тыҥааһыннаах уонна интэриэһинэй киирсиилэр түмүктэригэр:
• Үөрэнээччилэрбит хамаандата бэрт былдьаһыктаах оонньууга хорсуннук киирсэн, бочуоттаах үһүс миэстэни ылары ситистэ.
• Убаастабылллаах учууталларбыт хамаандата бэйэтин уопутун уонна мындыр сатабылын көрдөрөн, үрдүк таһымнаахтык оонньоон иккис миэстэҕэ таҕыста.
Бу күрэх оҕолорбутун уонна учууталларбытын чөл олоххо, доҕордуу сыһыаннаһыыга уонна айымньылаах сомоҕолоһууга сирдээтэ.
Оскуолабыт аатын үрдүктүк туппут кыайыылаахтарга уонна призердарга итии-истиҥ эҕэрдэни тиэрдэбит. Инникитин да өссө үрдүк ситиһиилэри, саҥа кыайыылары баҕарабыт уонна улахан махталбытын биллэриэхпит этэ тэрийээччилэрбитигэр!
Н.И. Прокопьев аатынан Хатыы орто оскуолата
Кэскил14.ру