Бүгүн, олунньу 7 күнүгэр, Горнай улууһугар Маҕарас агро хайысхалаах оскуолатыгар дьоһун тэрээһин ыытылынна. Ол курдук, «Школа мэров РФ» муниципальнай каадырдары салайар резервэ сайыннарыытын бырагырааматын кыттааччылара Арассыыйа араас эрэгийиэннэриттэн ыалдьыттаан бардылар.
Ыалдьытымсах Одуну нэһилиэгин үөрэнээччилэрэ төрөөбүт тылбытынан хоһоон ааҕан доргутан ыалдьыттары көрүстүбүт. Оскуолабыт үлэтин-хамнаһын, саҥа сүүрээннэрин кэлбит дьоҥҥо билиһиннэрдибит, кэпсээтибит.
Улууспут баһылыга Н.В. Андреев тус этиитинэн биһиги оскуолабытыгар быйылгы үөрэх дьылыттан 1-11 кылаастарга барыларыгар «Өбүгэ оонньуулара» эбии дьарык улууска аан бастакынан киирбитэ. Спортивнай саалаҕа кэлбит ыалдьыттарга бэйэбит сатабылбытын, дьоҕурбутун көрдөрдүбүт, кэпсээтибит.
Биһиэхэ хас биирдии кылааска бизнес бырайыактар үлэлииллэр, ол чэрчитинэн үлэлэрбитин быыстапкаҕа туруоран дьон-сэргэ сэҥээриитин ыллыбыт. Маны таһынан ыалдьыттар ТХПК «Магарасская агрошкола» айрширскай боруода ынахтары көрдүлэр, үлэни-хамнаһы кытта билистилэр.
Бу курдук дьоһун тэрээһини үрдүк таһымҥа ыыттыбыт.
Сиһилии видеоҕа көрүҥ:
Эдик Ксенофонтов,
Л.Н. Харитонов аатынан Маҕарас орто оскуолатын 10 кылааһын үөрэнээччитэ.
keskil14.ru