Эмиэ да ураты, эмиэ да истиҥ, туспа туруктаах олох. Куорат иһэ куруук тиэтэли, ыксалы, улахан тыаһы-ууһу кытта сибээстээх буоллаҕына, дэриэбинэҕэ бириэмэ атыннык хаамар курдук. Манна хас биирдии күн айылҕаны кытта тэҥҥэ уһуктар, айылҕаны кытта тэҥҥэ уоскуйар.
Дэриэбинэ олоҕо – ол сарсыарда аайы түннүгүнэн киирэр сылаас күн уота, хотонтон тахсар мааны сир сыта, сып-сылаас үүт уонна саҥа буспут лэппиэскэ сыта. Манна дьон бэйэ-бэйэтин билэр, көрсүстэххэ истиҥник эҕэрдэлэһэр, күүс-көмө буолар. Сайынын от үлэтэ, күһүнүн айылҕа барахсан биэрбит баайын хомуйуу, кыһынын тымныыны кытта охсуһуу – бу хас биирдии киһини күүстээх, тулуурдаах уонна хорсун гынар.
Хараҥа киэһэ сулустаах халлааны көрө туран, олорон ааспыт күнүҥ иһин ис бэйэҕиттэн махтанаҕын. Олох олоруу дьиҥнээх суолтата – матырыыйалынай баайга буолбакка, дууһаҥ чуумпутугар, чугас дьонуҥ аттыгар баарыгар уонна төрөөбүт сириҥ сылааһыгар буоларын дэриэбинэҕэ эрэ сылдьан өйдүүгүн.
Дэриэбинэҕэ олох баар, дууһалаах, истиҥ уонна кырдьыктаах олох.
Н.И. Прокопьев аатынан Хатыы орто оскуолатын эдэр үлэһиттэрин түмсүүтэ – dabaan studio оҥоруута устуута
Кэскил14.ру