Тохсунньу 22 күнүттэн 26 күнүгэр диэри академик А.В.Чугунов аатынан Мэлдьэхси орто оскуолатыгар А.В.Чугунов төрөөбүтэ 86 сылыгар аналлаах нэдиэлэ ыытылынна.
Нэдиэлэ устата А.В. Чугунов олоҕун, үлэтин сырдатар араас тэрээһиннэр ыытылыннылар. Ол курдук тохсунньу 22 күнүгэр «Чулуу киһи Чугунов» диэн кылаас чаастара уонна маастар кылаастар буоллулар. Маастар кылаастары Неустроев Р.Н. салайыытынан Петров Адриан (8 кыл), Андросов Ваня (9 кыл), Ачикасов Максим (10 кыл) сылгы быатын хатыыны оҕолорго көрдөрдүлэр, үөрэттилэр. Охлопков А.Н. салайыытынан 8 кылаас үөрэнээччитэ Скрыбыкин Вадим муостан брелок оҥорорго оҕолору үөрэттэ. Степанова И.Е. салайыытынан 9 кылаас үөрэнээччитэ Игнатьева Валерия кыргыттарга фетртан аппликация оҥортордо.
Нэдиэлэ устата А.В. Чугунов айымньыларын, үлэлэрин кинигэлэрин быыстапката оскуолабыт библиотекатыгар турда. Тохсунньу 23-25 күннэригэр оскуолабытыгар баар А.В. Чугунов түмэлигэр сырыттыбыт, Афанасий Васильевич туттубут малын, киниэхэ махтанан биэрбит бэлэхтэрин, араас наҕараадаларын о.д.а. олус интэриэһиргии көрдүбүт, Н.К. Андросова кэпсээнин сэҥээрэ иһиттибит. Бу күннэргэ 1-6 кылаас оҕолоругар агро олимпиада буолан ааспыта. 1-2 кылаастарга I миэстэ — Павлова Лия (2 кыл), II миэстэ — Шарина Саша (1 кыл), III миэстэ — Егорова Мичийэ (1 кыл). 3-4 кылаастарга I миэстэ — Романова Мотя (4 кыл), II миэстэ — Матвеев Алгыс (3 кыл), III миэстэ — Степанова Яна (3 миэстэ). 5-6 кылаас оҕолоругар I миэстэ — Окорокова Саяна (5 кыл), II миэстэ — Николаев Вова (5 кыл), III миэстэ — Протопопова Юлиана (6 кыл).
Ону таһынан 7-11кылаас оҕолоругар агрономия куонкуруһа буолан ааста. Түмүккэ I миэстэ — 8 кылаас үөрэнээччитэ Алексеева Валерия, II миэстэ – 7 кылаас үөрэнээччитэ Андросова Виолетта, III миэстэ – 11 кылаас үөрэнээччитэ Баишева Аида буолары ситистилэр.
Тохсунньу 25 күнүгэр А.В. Чугунов-Нооһой айымньыларынан, кини мэтириэтин уруһуйдааһыҥҥа куонкурус быыстапката турда.
Уруһуй куонкуруһугар алын кылаас оҕолоругар I миэстэ — Арчын Винокуров (4 кыл), II миэстэ — Степанова Амелия (2 кыл), III миэстэ — Петров Ярослав (4 кыл). Орто сүһүөх оҕолоругар I миэстэ — Сокольников Арылхан (7 кыл), II миэстэ — Шарина Галя (6 кыл), III миэстэ — Андросова Виолетта (7 кыл) буоллулар.
Бу күн 8-11 кылаас оҕолоругар А.В. Чугунову-Нооһойу суруйааччы, бэйиэт быһыытынан арыйар «Сардаҥа санааҕа куустардым…» диэн литературнай чаас ыытылынна. 11 кылаас үөрэнээччитэ Избеков Павел, 10 кылаас үөрэнээччитэ Брызгалова Оля Нооһой хоһооннорун аахтылар, кини айар үлэтин сырдаттылар. А.В. Чугунов-Нооһой айымньыларынан, кини айар үлэтинэн литературнай оонньуу оонньоттулар. Түмүккэ I миэстэ — «Түөрт хатыҥ» хамаанда, II миэстэ — «Дьулуур» хамаанда, III миэстэ — «Түмэн» хамаанда буолары ситистилэр.
Тохсунньу 26 күнүгэр А.В. Чугунов төрөөбүтэ оруобуна 86 сылыгар торжественнай линейка ыытылынна. Мэлдьэхси нэһилиэгин баһылыга Валерий Никифоров, сынньалаҥ киин салайааччыта Мотрена Сыромятникова, уһуйаан салайааччыта Елена Антонова, туйгун оҕолор Сокольникова Айысхаана, Матвеев Алгыс, Окорокова Саяна, оскуола лиидэрэ Максим Ачикасов, уһуйаан иитиллээччитэ Игнатьев Айылҕан А.В. Чугунов мэтириэтин анныгар сибэкки дьөрбөтүн уурдулар, ахтан-санаан аастылар.
Бу күн А.В. Чугунов нэдиэлэтин түмүктүүр киэһэтэ ыытылынна. Үөрүүлээх тэрээһин агрооскуола гимнин толорууттан саҕаланна. «Нооһой сиэттэрэ» литературнай түмсүү уолаттара А.В. Чугунов-Нооһой хоһооннорун аахтылар. Маны таһынан нэдиэлэ устата ыытыллыбыт куонкурустарга ситиһиилэммит оҕолору наҕараадалаатылар.
Биһиги Чулуу Чугуунаппытынан, кини аатынан оскуолаҕа үөрэнэрбитинэн киэн туттабыт! Үчүгэй, туйгун үөрэхпитинэн, ситиһиилэрбитинэн кини аатын ааттата туруохпут!
Карина Неустроева, Арылхан Сокольников,
7 кылаас үөрэнээччилэрэ
«Үктэл» юнкорпост, Мэлдьэхси