Г.Г. Софронов аатынан Өлөөкө-Күөл орто оскуолатыгар Саҥа Дьыллааҕы Баал маскарааты оскуола үлэһиттэрэ спонсордыыр үтүө үгэстээхпит. Оскуолабыт үөрэнээччилэрэ бары мааска тиктэн Моруос оҕонньору көрсөллөр. Төрөппүттэр сылын аайы бииртэн биир ураты, саҥа, сонун мааскалары тигэллэр. Онон Маскараат баалыгар оскуолабыт үөрэнээччилэрэ 100% кытталлар.
Оскуола үлэһиттэрэ хас биирдиилэрэ бириис оҥорон оҕолору үөрдэр буолбуттара номнуо 20-чэ сыл буолла. Онон маскараат баалыгар 10 бастакы, 10 иккис, 10 үһүс миэстэлэри кытта, 10 биһирэбил миэстэлэр ананаллар. Бырааһынньыкпытыттан 40-ча оҕо бириистээх дьиэлиир.
Быйыл даҕаны бу үтүө үгэспит тутуһуллан үлэһиттэр, учууталлар бириистэрин мунньууну саҕалаатылар.
Биһиги маннык үтүө үгэспитин өйдөөн-өйөөн кыттар дьоммутугар ис сүрэхтэн махтанабыт.
И. Ноговицына, Орто Халыма. Өлөөкө-Күөл б.