Алтынньы 26 күнүгэр, Бэрдьигэстээх нэһилиэгин төрүттэммит күнүгэр сөп түбэһиннэрэн, олохтоох дьаһалта нэһилиэк үөрэҕин тэрилтэлэрин кытта хардарыта бииргэ үлэлэһиигэ икки өрүттээх сөбүлэҥ түһэристэ.
Нэһилиэк баһылыга Алексей Аргунов уонна С.П. Данилов аатынан Бэрдьигэстээх орто оскуолатын директора Маргарита Константинованы кытта сааһын ситэ илик оҕолору буруйу оҥорууларын сэрэтиигэ, нэһилиэк сайдыытыгар волонтер хамсааһынын сайыннарыыга, көҕөрдүү, тупсарыы үлэлэригэр кыттыыга социальнай кэскиллээх бырайыактар олоххо киириилэригэр илии баттаатылар.
Бэрдьигэстээхпит нэһилиэгэ — биһиги уопсай дьиэбит. Кинини харыстыах, таптыах, сайыннарыах тустаахпыт.
«Кэскил» медиа-оскуола.