Сурутуу-2018
Бу күннэргэ республикатааҕы “Чуораанчык”, “Колокольчик+” оҕо сурунаалларын редакцията Дьокуускай куорат 17 №-дээх оскуолатыгар бастакы кылаастан бэһис кылаастары хабан, сурутууга аналлаах уруоктары, кылаас чаастары, көрсүһүүлэри тэрийэн ыытта. Үс күн устата Чуораанчык, Колокольчик уол бэйэтин тула 19 алын кылаас комплегын, ол эбэтэр 500-кэ оҕону түмтэ.
Дьокуускай куорат 17 №-дээх оскуола алын кылааһын учууталларын кытта оҕоҕо ааҕыы культуратын олохсутууга улахан көмөнү оскуола библиотекатын сэбиэдиссэйэ Полина Алексеевна Сивцева оҥорор. Кини 2002 с. библиотекарынан үлэлиир, онтон бу оскуолаҕа – 2012 сылтан.
- Билигин оҕо аахпат буолла диэн ыксыыр, ыгылыйар кэммитигэр “Чуораанчык”, “Колокольчик” сурунааллар тирэх, өйөбүл буолар өҥөлөрө сүрдээх улахан дии саныыбын. Ону өйүүр учууталлар биґиги оскуолабытыгар аҕыйаҕа суохтар, — диэн этэр үс күннээх үлэбитин сүрүннээбит библиотекарь Полина Алексеевна Сивцева.
17 №-дээх Дьокуускай куоракка ыытыллыбыт “Чуораанчык”, “Колокольчик” сурунаалларын күннэрин түмүгүнэн оҕо кылаас таґынан ааҕыытыгар бу оскуола учууталлара ураты болҕомтолорун ууралларын бэлиэтиир оруннаах. Оҕону кылаас таһынан аахтарыыга 17 №-дээх оскуола алын кылааһын учууталлара биир идэлээхтэригэр холобур эрэ буолуохтарын сөп.
Үс күннээх үлэ түмүгүнэн, “Чуораанчык” уонна “Колокольчик” сурунаалларга 2018 сыл бастакы аҥарыгар 17 №-дээх оскуола алын кылааһын 200-тэн тахса үөрэнээччитэ суруттарда. Редакция үлэһиттэрин кытта тэҥҥэ “Россия Почтатын” туһааннаах специалистара Марианна Николаевна Иванова уонна Раиса Африкановна Жирохова тэҥҥэ сылдьыһан сурутуу хампаанньатын ыыттылар.
Сардаана МАТВЕЕВА.