Учуутал күнүгэр Сунтаар Кутанатын үөрэнээччилэрэ бэйэни салайыныы күнүн ыыттылар. Бу тэрээһин сыл аайы үгэс быһыытынан ыытыллар. Быйыл 11-с кылаас уолаттара оскуоланы илиилэригэр ылан, чахчы киһи эрэнэр тирэх кэлэктиибэ буолалларын өссө төгүл көрдөрдүлэр.
Сунтаар Кутанатыгар 11-с кылааска икки кыыс үөрэнэр, уоннааҕылара уолаттар. Оҕолор ыытар уруоктарын учууталлартан сорудах ылан, эрдэттэн бэлэмнэнэн, бүгүн дьэ аан бастаан учууталлаатылар. Соруктарын ситистилэр — үөрэтэр оҕолорун болҕомтолорун тартылар.
Сынньалаҥҥа араас көрдөөх оонньуулары ыыттылар. Бу күнү «директор» Захаров Илларион, «завуч» Андреев Харысхан — РДШ лидердэрэ иилээн-саҕалаан ыыттылар. Оҕолор толору уруоктарга үөрэнэн тарҕастылар.
Ааптар: «Кутана кыымнара» пост