Ньурба Хаҥалаһын оскуолатын выпускнига, сайын 18 сааһын туолбут эдэр гражданиҥҥа Валерий Максимовка олоҕор суолталаах түгэн буолла.
Кини бүгүн, балаҕан ыйын 19 күнүгэр, бэйэтин олоҕор маҥнайгытын быыбарга кытынна. Гражданскай позициятын көрдөрөн эрэлээхтик куоластаата.
Эдэр киһи билигин Ньурба профессиональнай техническай училищетыгар (СПТУ-3) Маар сэлиэнньэтигэр ситиһиилээхтик үөрэнэ сылдьар. Кини туһалаах уонна кэскиллээх идэни талбыт — сир аннынааҕы уонна хаптал үлэлэргэ бульдозер уонна экскаватор машиниһа (« Машинист обогатительных горных работ») буоларга бэлэмнэнэр.
Оҕолоор, быыбар диэн тугуй?
Быыбар диэн хас бирдии киһи бэйэтин дойдутун, улууһун уонна кэлэр кэскилин талар улуу күүһэ уонна эбээһинэһэ буолар. 18 сааһын туолбут хас биирдии гражданин дойду олоҕор быһаччы кыттар бырааптанар. Бу бүгүҥҥү күҥҥэ киниэхэ инники олоҕор уонна гражданскай эбээһинэһигэр маҥнайгы эрэллээх хардыы буолар!
Эдэр көлүөнэ уола — Валерий Максимов бэйэтин холобурунан хас биирдии киһи куолаһа суолталааҕын көрдөрдө.
Бука бары быыбарга кыттыҥ, кэлэр кэскилгитин бэйэҕит талыҥ!
«ЫЛЛЫК» юнкор пост, Хаҥалас орто оскуолата, Ньурба.
Кэскил14.ру