Мин Ньурба оройуонун Малдьаҕар нэһилиэгэр олоробун. Балаҕан ыйын 18, 19, 20 күннэригэр быыбар саҕаланна.
Быыбар диэн — дьон барыта бииргэ буолан, дойдубут кэлэр кэскилин тутуһарга кыттыһар күнэ. Быыбарга кэлэн, бэйэҕит санааҕытын этэн, туһалаах дьону талан, дойдубут инники сайдыытыгар кылааккытын киллэрэҕит. Мин эмиэ улааттахпына быыбарга кыттыам, бэйэм инникибин түстэhэргэ кылааты киллэриэм.
Быыбар кэмигэр Никииппэр Сэмиэнэп аатынан кулууп фойетыгар нэһилиэк дьонугар аналлаах дьаарбаҥка буолла. Бу дьаарбаҥкаҕа араас аһылык, оҥоһуктар уонна танас-сап атыыланна. Мин дьаарбаҥкаҕа бэйэм «ушки» астаабыппын аҕалан атыылаатым. Бастакы харчыбын киллэринэн олус үөрдүм.
Ити күн мин быыбар туһунан элбэх билиини ыллым. Дьон барыта бииргэ кэлэн, бэйэлэрин санааларын биллэрэн, дойдубут сайдыытыгар кылааттарын киллэрэллэрэ мин санаабар улахан суолталаах.
Онтон эhиги быыбардаатыгыт дуо?
Эдэр кэрэспэдьиэн Элина Саввинова,
6 кылаас үөрэнээччитэ,«Мальж-сонун» медиа-киин, Ньурба, Малдьаҕар.
Кэскил14.ру