Төрөөбүт дойду кэрэтэ киһи кутун-сүрүн тутар ураты күүстээх. Олор ортолоругар Таатта улууһун Игидэй нэһилиэгин киинэ — Дэбдиргэ бөһүөлэгэ— мин төрөөбүт дойдум, бэйэтин ураты айылҕатынан, киэҥ куйаар алаастарынан уонна ытык сирдэринэн аатырар.
Сарсыардааҥҥы туман быыһынан көстөр күөх хонуулар, киэһээҥҥи килбиэннээх күн киириитэ — ити барыта айылҕа уруһуйа. Бу дойду бэйэтин ураты кэрэтинэн эрэ буолбакка, үлэһит, хорсун дьонунан, дириҥ историятынан биллэр. Алаас-алаас аайытын, айылҕа мааны бэлэҕэ, Дэбдиргэ кэрэ көстүүтэ — дууһам сылаас биһигэ.Күөхтүүн-күөҕүнэн чэлгийбит,Күөллүүн-күөлүнэн күлүмнээбит, Таатта сирин мааныта, төрөөбүт сирим киэргэлэ.Өбүгэ үгэһэ олохсуйбут, үтүө дьонноро үөскээбит, Дэбдиргэ барахсан дьон-сэргэ сөбүлээн олохсуйар, сылгы-сүөһү көнньүнэн үөскүүр, дууһаны үөрдэр— үйэлэргэ умнуллубат аналлаах. Кэлэр кэнчээри ыччат кэпсээн оҥостор кэрэ дойдута. Үйэттэн үйэлэргэ сайда-чэчирии туруоҕа диэн эрэнэбин.
Юлиана Ордахова, Игидэй орто оскуолатын 8 кылааһын үөрэнээччитэ.
Салайааччы: Ефимова В.К. саха тылын уонна литературатын учуутала.
Кэскил14.ру