Владимир Ильич Ульянов олоҕун кытта киһи элбэх историческай түгэннэри саныыр. Олортон саамай чаҕылхайдара — Улуу Өктөөп өрөбөлүүссүйэтэ. Кини оҕо эрдэҕиттэн үөрэххэ бастыҥ буолан, кыһатын мэтээлинэн бүтэрэн, киэҥ көҕүстээх, инникини өтө көрөр, биир бастыҥ устаты муруннаах эргийэр иэччэхтээх киһи буолар. Үгүс дьон этэринэн, айар аата — Ленин — Сибиир саамай улахан өрүһүн аатынан диэн, оттон сорохтор паспорын араспаанньата диэн саныыллар эбит. Оттон ким эрэ хаһан эрэ таптыы сылдьыбыт Лена диэн кыыһын кытта ситимнээх дииллэр. Чэ, ким хайдах саныырынан, оҥорон көрөрүнэн буоллаҕа…
Мин эһиэхэ кинини кытта эмиэ ыкса сибээстээх «Володя Ульянов дневнигин» туһунан кэпсиэхпин баҕарабын. Бу кини бэйэтэ суруйбут эбэтэр айбыт күннүгэ буолбатах. Кини олоҕун тиһэх сылларыгар чугас дьоно Улуу киһи туһунан архыып гына суруйан хаалларбыттара күн бүгүнүгэр диэри биһиги улуу илдьиппит олоҕун суолун сырдата сылдьар. Бу дневник үс араас чаастаах. Бастакыта, дьуһуурунай быраастар Володя Ульянов ыарыытын туһунан суруйбут архыып чаастара. Иккиһинэн, Ленин сэкэрэтээрдэрэ кини бэйэтин кабинетыгар хайдах киһи быһыытынан сылдьарын туһунан сырдаппыт суруйуулара. Үсүһүнэн, «Правда» хаһыакка тахсыбыт Ленин политическай боппуруостаах суруйуулара. Оттон кэлин бу тапталлаах Сахабыт сиригэр «Бэлэм буол» хаһыакка «Володя Ульянов дневнигэ» диэн оҕолор уонна улахан дьон истэригэр историческай, саамай аатырбыт былаһаакка буолар. Манна Володя Ульянов курдук үөрэххэ кыһанар, дьулуурдаах, тулуурдаах оҕолор испииһэктэрэ тахсара, ол үтүө үгэскэ кубулуйан сыллары уҥуордаан сылдьар.
Литэрэтиирэ баар буолан, күн бүгүнүгэр диэри биһиги урукку кэмнэргэ үтүө суоллаах, биһиги олохпутугар өҥөлөөх дьон аатын күн бүгүнүгэр диэри ааҕан, уостан уоска бэрсэн билэбит. Кырдьык даҕаны, литэрэтиирэ — история сиэркилэтэ! Бу ыстатыйа улуу сирдьиппит Владимир Ильич Ульянов-Ленин төрөөбүт күнүгэр тахсыбыта улахан суолталаах, ураты суоллаах!
Павел ГЕРАСИМОВ, Лөгөй-лиссиэй интэринээтин «LegMedia» эдкора, Уус Алдан