Мин, Арылхан Платонов, Филипп Гаврильевич Охлопков аатынан Майа орто оскуолатын 5 «Б» кылааһын үөрэнээччитэбин. Кыайыы 81 сылын көрсө, сахалартан бастакы герой Федор Кузьмич Попов – таайым туһунан кэпсииргэ сананным.
Кини ахсынныы 8 күнүгэр 1921 сыллаахха Мэҥэ-Хаҥалас иккис Баатара нэһилиэгэр Сыҥаһалаах диэн алааска Кузьма Самсонович уонна Прасковья Константиновна Поповтарга ахсыс оҕонон күн сирин көрбүтэ. Таайым бэрт эдэр сааһыгар 1942 сыллаахха сэриигэ ыҥырыллан барбыта. Федор Кузьмич Попов мин ийэбинэн – Роза Егоровнанан, кини ийэтинэн – Федора Егоровнанан мин эбээбинэн, кини аҕатынан хос эһээбинэн – Егор Семенович кини ийэтинэн — Прасковья Кузьминична бииргэ төрөөбүт быраата буолар.
Сэрии кырыктаах кэмигэр Федор Кузьмич Попов 1943 сыл алтынньы 3 кунугэр бастакынан ууга ыстанан киирэн, Днепр уҥа биэрэгэр туораан өстөөх 23 офицердарын, саллааттарын кыдыйбыта, өстөөхтөртөн ручной пулеметы былдьаан ылбыта. Өpүhү туорааһынна Командование бойобуой сорудахтарын чаҕылхайдык толорбутун, көрдөрбүт хорсун быһыытын уонна дьоруойустубатын иһин Федор Кузьмич Поповка Сэбиэскэй Сойуус Дьоруойун үрдүк аата иҥэриллибитэ.
1943 сыл алтынньы 11 күнүгэр таайым ыараханнык бааһыран, алтынньы 13 күнүгэр балыыһаҕа сырдык тыына быстыбыта. Днепр өpүhү туорааһыҥҥа командование бойобуой сорудахтарын туйгуннук толоруу уонна онуоха көрдөрбүт хорсуннук уонна геройдуу быһыытын иһин Федор Поповка, «Кыһыл Көмүс Сулус» мэтээли уонна Ленин орденын туттаран туран, Сэбиэскэй Сойуус Дьоруойун үрдүк аата CCCP Үрдүкү Сэбиэтин Президиумун ыйааҕынан 1944 сыл тохсунньу 15 күнүгэр, өлбүтүн кэннэ иҥэриллибитэ. Мин таайым курдук туохтан да толлубат хорсун санаалаах сүүнэ киһи буола улаатыам. Кини сырдык аатын үйэлэргэ ааттата туруом!
Арылхан Платонов Ф.Г. Охлопков аатынан
Майа орто оскуолатын үөрэнээччитэ
«Кэрэли» эбии үөрэхтээһин «Аман өс» куруһуок иитиллээччитэ.