Олунньу 24 күнүгэр Тыыллыма 1 нэһилиэгэр биһиги олохпутугар биир бэлиэ күн үүннэ — Саха сирин биллиилээх государственнай диэйэтэлэ Егор Афанасьевич Борисовтыын аһаҕас кэпсэтии буолла. Бу көрсүһүүгэ Майа, Хара, Лоомтука оскуолаларын үөрэнээччилэрэ уонна учууталлара кыттыыны ыллылар.
Көрсүһүү кэмигэр Егор Афанасьевич бэйэтин олоҕун, үлэтин суолун туһунан, улахан эппиэтинэстээх эйгэҕэ хайдах кэлбитин кэпсээтэ. Кини Саха Өрөспүүбүлүкэтин сайдыытыгар, норуот олоҕун тупсарыытыгар, экономика, култуура тупсарыытыгар үлэ бара турарын сырдатта. Оҕолор элбэх ыйытыы биэрдилэр: төрөөбүт сирин туһунан, норуот кэскилин хайдах көрөрүн, ыччат дьон ханнык сүрүн сыала сөптөөх буоларын ыйыттылар. Егор Афанасьевич бары ыйытыыларга толору, сиһилии хоруйдаата. Кини ыччакка үөрэх суолун тутуһарга, бэйэлэрин санааларын, баҕа санааларын аһаҕастык этэргэ, төрөөбүт сиргэ туһалыыр киһи буоларга ыҥырда.
Мин санаабар, маннык көрсүһүүлэр ыччат санаатын бөҕөргөтөллөр, улахан сыалларга тиэрдэргэ олук буолаллар, эдэр ыччаты элбэххэ үөрэтэллэр.
Көрсүһүү кэннэ салгыы үөрэнэччилэр уонна улахан дьону холбоон, 7 хамаандаҕа арахсан, бырайыак суруйуу үлэтигэр түһүннүлэр. Биһиги өрөспүүбүлүкэбит сайдарын кэскилин, бэйэлэрин араас идеяларын киллэрэн, Егор Афанасьевич иннигэр бырайыактарын көмүскээтилэр. Манна кэлбит дьон бары элбэх саҥаны биллилэр, санаалара көтөҕүллэн, бу күнү атаардылар.
Даша Сидорова, X кылаас,
Ф.Г. Охлопков аатынан Майа орто оскуолата,
«Түмэн» медиа-киин.
Кэскил14.ру