Олунньу 7 күнүгэр К.Д. Уткин аатынан Марха орто оскуолатыгар Саха Өрөспүүбүлүкэтин үөрэҕириитин туйгуна Розалия Васильевна Андреева сырдык кэриэһигэр анаммыт II төгүлүн ыытыллар улуустааҕы история олимпиадата буолан ааста. Быйылгы олимпиада олус сэргэхтик уонна үрдүк таһымнаахтык тэрилиннэ. Уопсайа 10 оскуолаттан 63 үөрэнээччи кыттан, бэйэлэрин билиилэрин тургуттулар.
Үөрүүлэх аһыллыыга К. Д Уткин аатынан Марха орто оскуолатын дириэктэрэ Василий Викторович Иванов, Сергей Викторович Васильев үөрэх управлениятын салайааччытын 1-кы солбуйааччыта уонна Алексей Сергеевич Андреев К.Д. Уткин аатынан Марха орто оскуолатын история учуутала, Розалия Васильевна төрөппүт уола тыл эттилэр. Тэрээһин чэрчитинэн история учууталларыгар анаммыт төгүрүк остуол ыытылынна. «Сандал» түмсүүтүн оҕолоро олимпиада кыттааччыларын оонньоттулар, аралдьыттылар. «Уткин сонуннара» медиа-киин эдэр кэрэспэндьиэннэрэ хаартыскаҕа түһэрэн, интервью ылан, видео уһулан-оҥорон көхтөөхтүк үлэлээтилэр.
Олимпиада түмүгэ:
7 кылаастарга:
1 миэстэ — Александров Василий (Степан Васильев аатынан Ньурбатааҕы элбэх хайысхалаах гимназия).
2 миэстэ — Васильев Роман (М.В. Мегежекскай аатынан Малыкай орто оскуолата).
3 миэстэ — Егорова Ника (Н.И. Кочнев аатынан I Ханалас орто оскуолата).
8 кылаастарга:
1 миэстэ — Алексеева Нарияна (К.Д. Уткин аатынан Марха орто оскуолата).
2 миэстэ — Васильевы Эвелина (П.С. Егоров аатынан Акана орто оскуолата).
3 миэстэ — Гаврильев Максимилиан (Д.И. Павлов аатынан Өҥөлдьө орто оскуолата)
9 кылаастарга:
1 миэстэ — Саввинова Аина (Степан Васильев аатынан Ньурбатааҕы элбэх хайысхалаах гимназия).
2 миэстэ — Николаева Валентина (К.Д. Уткин аатынан Марха орто оскуолата).
3 миэстэ — Степанова Ванесса (К.Д. Уткин аатынан Марха орто оскуолата).
10 кылаастарга:
1 миэстэ — Архипова Диана (П.С. Егоров аатынан Акана орто оскуолата).
2 миэстэ — Жиркова Вера (П.С. Егоров аатынан Акана орто оскуолата).
3 миэстэ — Яковлев Алексей (Степан Васильев аатынан Ньурбатааҕы элбэх хайысхалаах гимназия).
11 кылаастарга:
1 миэстэ — Егорова Күннэй (Степан Васильев аатынан Ньурбатааҕы элбэх хайысхалаах гимназия).
2 миэстэ — Федоров Александр (К.Д. Уткин аатынан Марха орто оскуолата).
3 миэстэ — Николаева Алисия (К.Д. Уткин аатынан Марха орто оскуолата).
Сылын аайы көһө сылдьар кубогы Ньурбатааҕы элбэх хайысхалаах гимназия 2-с төгүлүн ылан кыайыы өрөгөйдөөх үөрэн-көтөн бардылар! Тэрээһини үрдүк таһымҥа тэрийэн ыытыспыт Розалия Васильевна чугас дьонугар барҕа махтал! Бу маннык тэрээһиннэр оҕолор билиигэ-көрүүгэ дьулуурдарын күүһүрдэллэр, инникитин өссө үрдүк ситиһиилэри үөрэнээччилэргэ!
Александр ФЕДОРОВ, К.Д. Уткин аатынан Марха орто оскуолатын 11 кылааһын үөрэнээччитэ, «Уткин сонуннара» медиа-киин эдкора.
keskil14.ru