Сэтинньи 18 күнүгэр Кустуур олохтоохторугар өр күүппүт мас кыырпаҕынан оттуллар 3 мВт кыамталаах саҥа хочуолунай үөрүүлээх быһыыга-майгыга арыллыыта буолан ааста.
Тэрээһиҥҥэ Саха Өрөспүүбүлүкэтин ГУП ОДьКХ генеральнай дириэктэрэ, норуот дьокутаата Виталий Чикачев, «Арктика суоллара» ХТ бас дириэктэрин солбуйааччы, норуот дьокутаата Сергей Сивцев, улуус аҕа баһылыга Иннокентий Стручков, Аллараа-Бытантай баһылыга Константин Старостин саҥа эбийиэги арыйдылар. Кустуур нэһилиэгин тэрилтэлэрэ эҕэрдэҕэ кыттыһан эҕэрдэлээтилэр. Маны тэҥэ «Аартык» эбээлэр бөлөхтөрө минньигэс алаадьынан, таба быарынан, саха сылгытын этинэн ыалдьыттары айах туттуллар. Нэһилиэк бүттүүн кэлэн бу үөрүүлээх түгэҥҥэ кыттыста.
Аал уот оттон, алгыс этэн сүҥкэн суолталаах баараҕай тутууну Уһук Хоту дойду олохтоохторо олус үөрэн сээдьэлээн сэгэлдьитэн, өрө көтөҕүллэн уруйдаатыбыт.
Хочуолунайбыт хас биирдии дьиэни сылааһынан сылытан мэлдьи үөрдэ турдун!
Ранид Горохов,
Кустуур орто оскуолатын 9 кылааһын үөрэнээччитэ, «Биракчаан» медиа-киин эдкора.
Ааптар хаартыскалара.
keskil14.ru