Бүгүн биһиги сэлиэнньэбит киэн туттар киһитин Петр Александрович Петуховы кытта кэпсэттибит. Кини олоҕун-дьаһаҕын, айар үлэтин туһунан кэпсээнэ эһиги болҕомтоҕутун тардыа диэн эрэнэбит.
– Хантан төрүттээххитий?
– Бэйэм Нам улууһугар төрөөбүтүм уонна онно үөрэммитим. Ол эрээри Мэҥэ Хаҥалас эмиэ иккис дойдум буолар. Ийэм Быраматтан төрүттээх. Ол иһин сыл аайы сайылыы кэлээччибин.
– Туох идэлээххиний? Ханна үөрэммиккиний?
– Оскуола кэннэ дойдубар Намнааҕы педагогическай колледж художественно-графическай хайысхатыгар үөрэнэн, ситиһиилээхтик бүтэрбитим. Үөрэхпин бүтэрээт, Лоомтукаҕа учууталынан ананан үлэлээн саҕалаабытым.
– Тоҕо бу идэни талбыккыный?
– Мин төрүппэр ийэм да, аҕам да өттүнэн худуоһунньуктар, тимир уустара бааллара. Ол иһин буолуо дии саныыбын. Айар эйгэҕэ улааппыт буолан, кыра эрдэхпиттэн уруһуйдуурбун сөбүлүүбүн. Оттон учуутал диэҥҥэ маннык хоруйдуом этэ: син улаатан баран, кыра бырааттарбын, балтыларбын батыһыннара сылдьан, бэйэм билэрбин үөрэтэрбин сөбүлүүр этим.
– Үлэҕэр эйигин ордук туох кынаттыырый?
– Оҕо уруһуйдуу олорон үөрэрэ, үлэтин түмүгүттэн дуоһуйара, астынара, кини ситиһиитэ уонна төрөппүттэр махталлара үрдүк ситиһиигэ кынаттыыллар.
– Билигин ханна үлэлиигиний?
– Билигин «МайаКрафт» диэн уһанар, муус оҥоһуктары оҥорор дьону түмэр айар дьоҕур пространствотын тэрийэн үлэлии сылдьабын. Оскуолаҕа оҕолору эрэ үөрэтэр этим, оттон билигин баҕалаахтары үөрэтэрбиттэн астынабын.
– Биһиги ыйытыыларбытыгар хоруйуҥ иһин улахан махтал!
Кэпсэтиини сиһилии видео-матырыйаалга көр:
Эрхан Петров, 6 «а» кылаас үөрэнээччитэ,
«Түмэн» медиа-киин кэрэспэдьиэнэ,
Ф.Г. Охлопков аатынан Майа орто оскуолата.
keskil14.ru