Алтынньы 27 күнүгэр мин, “Сайдам” медиа киин эдэр кэрэспэдьиэнэ, Горнай улууһун «Бэрдьигэстээх нэһилиэгэ» тыа сирин түөлбэтин Аҕа баһылыгын Алексей Григорьевич Аргунову кытары көрсөн, нэһилиэкпит тыын боппуруостарын, туох кыһалҕалаахпытын ыйыттым. Алексей Григорьевич бэйэтэ оҕолору кытары элбэхтэ алтыһар буолан, олус истиҥник ыйытыктарбытыгар хоруйдаата.
Алексей Григорьевич бу соторутааҕыта буолбут быыбарга нэһилиэк баһылыгынан иккистээн талыллан, дьон-норуот итэҕэлин ылан, үлэлии-хамныы, нэһилиэкпит сайдыытыгар тус кылаатын киллэрэ сылдьарыттан биһиги киэн туттабыт.
Кэнники сылларга биһиги нэһилиэкпит уонна улууспут туризм, урбаан, тутуу, онтон да атын эйгэлэргэ тупсан-сайдан иһэллэр. Оттон кыстыкка киирии, оттооһун, оҕо төрөөһүнэ, эдэр ыаллары дьиэнэн хааччыйыы тыын боппуруостарын уонна эһиилги сылга былааннар тустарынан Алексей Григорьевич сиһилии кэпсээтэ. Ону тэҥэ, сылын ахсын улууспут баһылыга Никита Викторович Андреев салалталаах нэһилиэктэр баһылыктара анал байыаннай дьайыы сирдэригэр тиийэннэр, биир дойдулаахтарбытын кытта көрсөллөр, кинилэргэ дойдуларыттан бэлэмнэммит гуманитарнай көмөнү тиксэрэллэр уонна күүстэригэр күүс эбэн, баҕа санааларын бөҕөргөтөн кэлэллэрин туһунан сырдатта.
Сиһилии видео-сюжеппытыгар көрүҥ:
Виктор Дьячковскай, «Сайдам» медиакиин эдэр кэрэспэдьиэнэ, С.П. Данилов аатынан Бэрдьигэстээх орто оскуолатын 6 “б” кылааһын үөрэнээччитэ, Горнай