Ньурба куоратын үлэһит киһитэ кимий? Кини үлэтэ тулалыыр олохпутугар туох саҥаны уонна тупсарыыны аҕаларын хайаан даҕаны билиэх тустаахпыт. Ол туһунан видеонтервьюга сиһилии кэпсиэхпит. Биһиги дьоруойбут — Анжелика Александровна Федорова, Ньурба куорат урбаанньыта.
Кини Ньурба улууһугар киэҥник биллэр «Ситистрой» уонна «Ситицентр» маҕаһыыннары, ону тэҥэ «Ыалдьыт дьиэтин» салайар. Анжелика Александровналыын көрүстүбүт уонна кэпсэттибит.
Аан бастаан «Ситицентр» маҕаһыыныгар киирбиппит. Олус сырдык, ыраас эйгэ көрсүбүтэ. Маҕаһыын иһэ уонна таһа интириэһинэйдик, кэрэтик киэргэтиллибит, истиҥ мичээрдээх үлэһиттэр көрсөллөр. Манна барыта олус таһаарыылаахтык талыллыбыт, хаачыстыбалаах аһыыр ас, дьиэни-уоту киэргэтэргэ аналлаах табаардар уо.д.а. туһалаах мал-сал баар. Уопсайынан, саха санаабыта барыта баар диэххэ сөп.
«Ситицентр» маҕаһыын кэннэ Анжелика Александровна биһигини «Ситистрой» диэн тутууга анаммыт маҕаһыыҥҥа ыҥырда. Истибиппитинэн, бу маҕаһыыны «эр киһи эйгэтэ» дии саныырбыт. Ол гынан баран, кэлэн көрбүппүт, бу санаабыт тосту уларыйан хаалла. Манна хайдах баҕарар дьиэни-уоту тутарга, ситэрэргэ уо.д.а. араас туһалаах тутуу матырыйааллара, инструменнар, тыа маһа, тимир, пластик уонна да атын араас тустаах матырыйааллар бааллар. Манна Анжелика Александровна дьону кытары үлэлиирин көрдүбүт, атыылаһааччылары кытары кэпсэттибит. Сиһилии ол туһунан видеобытыгар көрүҥ.
Анжелика Александровна, үлэҕит туһунан кэпсээбиккитигэр өссө төгүл махтанабыт уонна үлэҕит өссө таһаарыылаах буоларыгар, сайдарыгар баҕарабыт! Анжелика Александровна курдук үлэһит дьон баар буолан, биһиги дойдубут сайда турар диэн түмүккэ кэллибит.
Виктория ТИХОНОВА, Ньурбатааҕы техническэй лиссиэй 10 «а» кылааһын үөрэнээччитэ.
«Объектив» медиа-киин эдкора.
keskil14.ru