Балаҕан ыйын 20 күнүгэр Өнньүөскэ велопробег күрэҕэ буолла.
Бу велопробег Амма улууһун баhылыгынан улэлээбит Николай Архипович Архипов аатын үйэтитэргэ ананна. Манна оҕолор, улахан дьон көхтөөхтүк кытыннылар. Мин күрэхтэhэн кыра кылаас уолаттарыгар 1 миэстэ буоллум.
Оттон ийэм Мария Дмитриевна улахан дьоҥҥо 3 миэстэни ылла. Амматтан Николай Архипов кэргэнэ Оксана Архипова кэлэн мэтээллэри туттарда. Мин ситиhиибититтэн наһаа үөрдүм. Миэхэ өссө Аммаҕа «Утум» маҕаhыыҥҥа сертификат биэрдилэр. Маннык күрэхтэргэ оҕолору актыыбынайдык кыттыҥ диэн ынырабын.
Устинов Сандал, III кылаас, Амма-Наахара орто оскуолата, Өнньүөс