Быйыл оскуолабытыгар күһүнү көрсө «Көмүс күһүн — 2025» тэрээһиммит уратытык ааста.
Ол курдук балаҕан ыйын 13 күнүгэр биһиги оскуолабыт «Көмүс күһүнү» көрсө алын сүһүөх кылаас оҕолоруттан саҕалаан үрдүкү кылаастарга тиийэ, учууталлар, бары үлэһиттэр буолан бииргэ үөрэ-көтө айылҕаҕа таҕыстыбыт.
Тутатына тиийээт хас биирдии кылаас түһэр сирин оҥоһунна, киэргэттэ. Күһүҥҥү баай астаах остуоллар тардылыннылар. Хас биирдии кылаас тыаҕа тахсан сэбирдэхтэри, тиит лаабааларын, оту-маһы хомуйан күһүҥҥү фоторамка күрэҕэр көхтөөх кыттыыны ыллыбыт. Эбиэккэ оскуолабыт повардара астаабыт итии мииннэрин, төрөппүттэрбит өйүөлээн ыыппыт астарын тото-хана аһаатыбыт. Айылҕаҕа ас амтана өссө ордук минньийэр эбит.
Эбиэт кэннэ бары эҕэрдэ нүөмэрдэрбитин, үҥкүүлэрбитин, ырыабытын-тойукпутун бэлэхтээтибит. Ол кэннэ оскуолабыт үөрэнээччилэрэ, учууталлара эстафетаҕа көхтөөх кыттыыны ыллыбыт. Уопсайа 3 хамаандаҕа арахсан онньуубутун саҕалаатыбыт: сүүрдүбүт, цепочкалаатыбыт, ыстаҥалаатыбыт, канат да тардыстыбыт. Оҕолор бары бэйэлэрин күүстээх өрүттэрин көрдөрдүлэр, үөрдүбүт-көттүбүт, бириэмэбитин дуоһуйа-астына атаардыбыт. Күрэхтэргэ кылаастарынан кыттыыны ылан, наҕараадаҕа тигистилэр.
«Көмүс күһүн – 2025” күрэхтэрин кыайыылаахтара кимнээҕий?
“Саамай-саамай улахан хортуоска» —
1 миэстэ- 1 кылаас, 2 миэстэ -7 кылаас
3 миэстэ — 3 кылаас; «Саамай улахан кабачок» — 1 миэстэ — 10 кылаас, 2 миэстэ — 5 кылаас, 3 миэстэ- 1 кылаас; «Саамай улахан моркуоп» — 1 миэстэ- 4 кылаас, 2 миэстэ — 11 кылаас, 3 миэстэ- 1 кылаас.
«Осенняя фантазия» айылҕа матырыйаалыттан фоторамка оҥорууга алын сүһүөхтэргэ 1 миэстэ — 1 кылаас, 2 миэстэ — 2 кылаас, 3 миэстэ — 3 кылаас; орто сүһүөхтэргэ 1 миэстэ — 6 кылаас, 2 миэстэ — 8 кылаас, 3 миэстэ — 7 кылаас; улахан кылаастарга 1 миэстэ — 11 кылаас, 2 миэстэ — 9 кылаас, 3 миэстэ — 10 кылаас.
«Көрдөөх эстафета» оҕолор, үлэһиттэр холбоһуктаах хамаандаларын күрэхтэһиитэ: 1 миэстэ — «Смешарики», 2 миэстэ — «Күн», 3 миэстэ — «СулуSTAR».
«Осень в объективе» хаартыска күрэҕэ: алын сүһүөхтэргэ 1 миэстэ — 1 кылаас, 2 миэстэ — 3 кылаас, 2 миэстэ — 4 кылаас, 3 миэстэ — 2 кылаас; орто сүһүөхтэргэ 1 миэстэ — 6 кылаас, 2 миэстэ — 7 кылаас, 3 миэстэ — 8, 5 кылаастар; улахан сүһүөхтэргэ 1 миэстэ — 10 кылаас, 2 миэстэ — 9 кылаас, 3 миэстэ — 11 кылаас.
Бу курдук «Көмүс күһүн» биһиги оскуолабытыгар бэркэ ааста. Оҕолор саҥа үөрэнээччилэри, учууталлары кытта ыкса билистилэр. Кылаастар бары күрэхтэһиилэргэ көхтөөхтүк кыттан, бары айылҕаҕа тахсан сынньанан, оонньоон-көрүлээн, дуоһуйан, астынан кэллибит.
Күндүүнэ ЕГОРОВА, VIII кылаас,
Снежанна ГОТОВЦЕВА, IX кылаас,
Валерия ГОТОВЦЕВА, XI кылаас,
М.Н. Готовцева аатынан Танда орто оскуолата, Уус Алдан
Айыллаана Готовцева, Туйаара Мамонтова хаартыскалара