Филипп Гаврильевич Охлопков аатынан Майа орто оскуолатыгар Билии күнүн үөрүүлээх тэрээһинэ ааста. Биһиги сайыҥҥы сынньалаҥ кэннэ күүс-сэниэ ылынан, элбэх билиини ыларга, саҥа үрдэли дабайарга бэлэм буолан, оскуолабыт аанын арыйан киирдибит.
Быйылгы үөрэх дьылыгар 53 оҕо оскуолабыт боруогун аан бастаан атыллаан киирдэ. Кырачааннарбытын барыларын бу күнтэн ыла интэриэһинэй, саҥа саҕахтар күүтэллэр. Эһиги бары биһиги эрэлбит уонна инники кэскилбит буолаҕыт!
Ону таһынан, быйылгы үөрэх сылыгар 33 оҕо оскуоланы бүтэрэр. Эһиэхэ, күндү выпускниктарбытыгар, саҥа олоххутугар ситиһиилэри, табыллыыны уонна дьолу баҕарабын! Талбыт идэҕит барыта үрдүк ситиһиилэри аҕаллын, үөрэххэ ылбыт билиилэргит олоххутугар туһалаах буоллуннар.
Бу үөрэх дьыла барыбытыгар ситиһиилээх, үөрүүлээх уонна элбэх билиилээх буоларыгар баҕарабын! Саҥа сыаллары туруорар уонна олору ситиһэргэ дьулуһар кэммит кэллэ! Эһиэхэ барыгытыгар чэгиэни, этэҥҥэни уонна үрдүк ситиһиилэри баҕарабын!
Лилиана Попова, Түмэн медиа киин эдкора,
Майатааҕы Филипп Гаврильевич Охлопков аатынан орто оскуолатын 10 «А» кылаас үөрэнээччитэ
keskil14.ru