Биһиги 21 күн устата «Энергетик» лааҕырга «Энергетика лета» диэн сменаҕа сырыттыбыт. Атырдьах ыйын 21 күнүгэр лааҕыры түмүктүүр күн буолбута . Бу үс нэдиэлэ устата биһиги төрүччүбүтүн үөрэттибит, сценарий суруйан видеоролик оҥорорго үөрэннибит. Маны таһынан, араас элбэх тэрээһиннэргэ сырыттыбыт, олус минньигэстик аһаатыбыт.
«Кэскил» оҕо бэчээтин кыһатын үлэһиттэрэ биһиэхэ күн аайы кэлэн сценарийдарыбытын, видеоларыбытын оҥорорбутугар көмөлөһөллөрө, , интэриэһинэй көрсүһүүлэри тэрийэллэрэ. Сменаны түмүктүүр күн хас биирдиибит оҥорбут Төрүччү видеоларын көрбүппүт. Мин видеороликпар төрүттэрим олорбут сирдэрин Кыһыл Кэбээйи туһунан кэпсээбитим.
Улахан аҥарбытар өрөспүүбүлүкэтээҕи «Память предков: генеалогия моей семьи» научнай практическай конференцияҕа ыҥырыы уонна барыбытыгар бу сменаҕа сылдьыбыппытын туоһулуур сертификаттары туттарбыттара.
Эбиэт кэннэ долгутуулаах «Энергетика лета» сменаны түмүктүүр кэм буолбута. Ыҥырыылаах ыалдьыттар эҕэрдэ тылларын эттилэр. Бары этэрээттэр түмүктүүр күҥҥэ бэлэмнээбит үҥкүүлэрин тахсан ункулээбиттэрэ.
Хаартыска күрэҕин түмүгүн билиһиннэрбиттэрэ. Бастакы миэстэ — Святослав Барабанов, иккис миэстэ — Изольда Бродникова. Мин хаартыскам 3 бочуоттаах миэстэҕэ түбэспититтэн олус үөрдүм.
«Бастыҥ этэрээт» диэн бочуоттаах ааты 3 этэрээт ылбыта. Онтон киэһээ бутэһик холлифест уонна дискотека буолла.
Мин санаабар бу лааҕырга сылдьыбыт күүнэрим наһаа учугэйдик аастылар. Мин «нон-стоп» диэн иккис этэрээккэ баарым. Лааҕыр бүтүүтүгэр төһө да аҕыйах буолан хаалбыппытын иһин олус доҕордостубут. Араас элбэх оҕолору кытта билисибиппиттэн олус үөрэбин. Улаатыахпытыгар диэри сибээспитин тута сылдьыахпыт диэн эрэнэбин.
Павлира КЫЧКИНА, VII кылаас, Кэбээйи орто оскуолата