Сыл аайы биһиги өрөспүүбүлүкэбитигэр айылҕа уһуктуутун уонна саҥа дьыл саҕаланыытын кэрэһилиир национальнай бырааһынньыкпыт Ыһыах буолар. Быйыл Олоҥхо Ыһыаҕа от ыйын 4-5 күннэригэр Нерюнгри оройуонугар 50 сылын туолар сылыгар ыытылла турар. Биһиэхэ былыргыттан Ыһыах иһигэр баар тэрээһиннэр элбэхтэр, ол быыһыгар чороон түһүлгэтин күрэхтэһиитэ баар буолар.
Афанасий Петрович тэрийээччи аатыттан биһиэхэ санаатын кэпсээтэ:
Коммерческай тэрилтэбит «Чороон» диэн. Сыалбыт-сорукпут Саха төрүт үгэһин салҕаан, мас чороону аныгыскы үйэбитигэр сүппэтин курдук үлэлиибит. Хомойуохча, биһиэхэ мастарбыт кыра буолан, соҕурууттан улахан хатыҥ сакаастаан аҕалтаран оҥоробут. Ону аҕалан, маастардарга түҥэтэн, улахан кээмэйдээх чорооннору оҥорорго, тарҕатар гына олох туруорсубуппут. Ыһыах буолан баран хайаан даҕаны кымыс иһитэ диэн мас чороон кирсиэхтээх. Иккис төгүлүн Олоҥхо Ыһыаҕыгар түһүлгэбитин тэрийэ сылдьабыт. Ону таһынан «Мас уустар» кыһын республиканскай түһүлгэ тэрийэбит. Онно Сахабыт сирин араас муннуктарыттан кырыымпа, чороон, сахалыы ох саа оҥорор мас уустара мустаннар саҥа станокка үлэлээн саҕалыыр эр дьоннору үөрэтэллэр. Иннэ гынан, дьон көхтөөхтүк кыттар, сайдыы баар буолан сэҥээрэллэр, кэнники кыһаллаллар. Ахсаан буолбакка эрэ, хаачыыстыба үрдүүр. Өссө биир сыалбыт диэн — чороон декоративнай буолбакка, традиционнай буоларын курдук, туох баар сэниэбитин биэрэ сатыыбыт. Иһит бэйэтин төрүт форматын сүтэрбэтин гына, холобура хатырыгынан кырааскаланар, ынах арыытынан арыыланар, хатын мастан чучуллар уонна илиинэн оҥоһуллан бүтэр.
Виктория БОРИСОВА, Хайахсыт орто оскуолата, Чурапчы