Н.Е. Иванов аатынан Бөтүҥ орто агрооскуолатыгар Кыайыыны уруйдаан-айхаллаан, уодаһыннаах сэрии кэмигэр «Сталин төбөлөөх мэтээлинэн» наҕараадаламмыт оҕолорго аналлаах «Дети трудового фронта» диэн ааттаах истиэндэни арыйыы буолла.
Үөһэ этиллибитин курдук, оскуолабыт иһигэр история чахчыларыттан иһитиннэрэр-көрдөрөр истиэндэлэр эбиллэн иһэллэрэ олус үөрдэр. Хас биирдии истиэндэ Сахабыт сирин уонна төрөөбүт түөлбэбитин толору арыйан көрдөрөр дириҥ ис хоһоонноох. История учууталлара Наталья Иосифовна Новикова, Егор Трофимович Никифоров уонна СӨ Үөрэҕириитин туйгуна, РФ уопсай үөрэхтээһинин бочуоттаах үлэһитэ, педагогическай үлэ бэтэрээнэ, Бөтүҥ нэһилиэгин бочуоттаах олохтооҕо, кыраайы үөрэтээччи А.М.Васильева-Сэбиэт Аана аатынан олохтоох мусуой үлэһитэ Ольга Петровна Егорова түмэн оҥордулар.
Бүгүҥҥү истиэндэ арыйыытын дириэктэри научнай-методическай үлэҕэ солбуйааччы Мария Денисовна Иванова кэпсээтэ. Бу манна 1941-1945 сс. «За трудовую доблесть» 10-13 саастаах оҕолор хаартыскалара уонна дастабырыанньалара бигэргэтиллэн, барыта 15 киһи киирдэ. Өссө да чинчийэр үлэ бара турар. Биир үтүө дьыала хомуйуллан, түмүллэн, таҥыллан тахсыытыгар оскуола салалтата үлэлээтэ.
Оскуолабыт киэҥ сырдык көрүдүөрдэрин эркиннэрин туһалаах информацияларынан, оҕолорбут аахтыннар, биллиннэр, көрдүннэр диэн сыалтан сүрүн идеяны дириэктэрбит Акулина Семеновна Иванова иилээбитэ-саҕалаабыта.
Айдын Иванов, Максим Неустроев,
«Платформа» медиа киин чилиэннэрэ,
Бөтүҥ, Амма.