От ыйын 5 күнүгэр сахалар төрүт национальнай спорт көрүҥмүтүгэр хапсаҕайга хабыр хапсыһыылар көрөөччүлэри ыһыытаттылар-хаһыытаттылар. Барыта 11 хамаандаттан: Монголияттан, Индияттан, Узбекистантан, Таджикистан, Казахстантан, Ирантан, Азербайджантан, Сибиирдээҕи федеральнайтан уокуруктан, Уһук Илин федеральнай уокуруктан, Саха Өрөспүүбүлүкэтин икки хамаандатыттан 45 бөҕөс көбүөргэ күөн көрүстэ. Барыта 5 ыйааһыҥҥа 15 мэтээл оонньонно. Саха Өрөспүүбүлүкэтин бөҕөстөрө 2 кыһыл көмүс, 2 үрүҥ көмүс, үс боруонса мэтээллэри ылары ситистилэр.
Хапсаҕай аан бастакытын 2000 сыллаахха II «Азия оҕолоро» оонньууларын бырагырааматыгар киирбитэ. Көбүөргэ бөҕөстөр үс мүнүүтэ тусталлар, быраабылатын саха киһитэ барыта билэр буолуохтаах: cири биирдэ таарыйдыҥ да кыайтараҕын.
Хапсаҕай түмүгэ маннык буолла:
45 киилэҕэ:
1 миэстэ — Монгуш Сухбат (СФО)
2 миэстэ — Антонов Марк (СӨ-1)
3 миэстэ — Нергуй Церенденчин (Монголия)
50 киилэҕэ:
1 миэстэ — Алексеев Сандал (СӨ-1)
2 миэстэ — Мурат Темирлан (Казахстан)
3 миэстэ — Птицын Ильдар (СӨ-2)
55 киилэҕэ:
1 миэстэ — Кононов Олег (СӨ-1)
2 миэстэ — Сивцев Данил (ДФО)
3 миэстэ — Вердиев Али (Азербайджан)
62 киилэҕэ:
1 миэстэ — Отгонхуу Ялальт (Монголия)
2 миэстэ — Максимов Эйнар (СӨ-2)
3 миэстэ — Нурлыбек Абдуразак (Казахстан)
62 киилэттэн үөҺээ:
1 миэстэ — Донгак Экер (СФО)
2 миэстэ — Гаджигулуев Эльвин (Азербайджан)
3 миэстэ — Кривошапкин Айхаан (СӨ-1).
Хапсаҕай түһүлгэтиттэн түгэннэри видеоcюжетка көрүҥ:
Матырыйаалы оҥордулар Алгыстаана Захарова, Анжелина Жданова.
Корреспонденнар Лилиана Попова, Саша Егоров.
Хаартыскаҕа түһэрдэ Сайыына Тобонова.
Николай Степанов устуута, Авдей Неустроев таҥыыта.
keskil14.ru