ЮНКОР БЭЛИЭТЭЭҺИННЭРЭ
«Азия оҕолоро» норуоттар икки ардыларынааҕы VIII спортивнай оонньууларга уолаттарга волейбол күрэҕэ тыҥааһыннаахтык ыытылла турар. 2008, 2009 сыллаах уолаттар оонньууллар.
Ааҕааччыларга анаан хамаанда састаабын билиһиннэрэбин уонна барыллаан оонньооһуҥҥа хамаандалар хайдах оонньообуттарын кэтээн көрбүппүн эһиэхэ кэпсиэхпин баҕарабын. Аны аҕыйах сылынан кинилэр ортолоруттан баҕар, олимпийскай чемпионнар үүнэн тахсыахтара. Оччоҕо «кини 2024 сыллаахха VIII «Азия оҕолоругар» кыттыыны ылбыта» диэн киэн тутта кэпсиэхпит.
БЕЛАРУСЬ – КАЗАХСТАН
Беларусь өрөспүүбүлүкэтин сүүмэрдэммит хамаандатын састааба
Кылаабынай тренер – Алексей Ковалев
Медик – Елена Подшивалова
- Горбацкий Кирилл; 2. Ясёнок Роман; 3. Сиваков Савелий; 6. Желанников Даниил; 7. Кривицкий Станислав – капитан; 9. Чириченко Иван; 10. Морхат Артур; 11. Немцов Павел; 12. Свилель Никита; 14. Рыбак Алексей; Никифоров Владислав; Ткачук Владимир – либеро.
Казахстан өрөспүүбүлүкэтин сүүмэрдэммит хамаандатын састааба
Кылаабынай тренер – Калиев Даулет
Тренер – Мазур Владимир, Иргашов Темур
- Акылбек Ернар – капитан; 2. Бапан Мухаммед; 3. Хасанов Ахметжан; 4. Рустэмулы Амиркирей; 5. Хабибуллаев Азизбек; 6. Эммануилиди Давид; 7. Каиров Нуркен; 8. Малик Мадияр; 9. Мухтар Нурасыл; 10. Тлектес Бекзат; 11. Дюсебаев Жанибек; 12. Айбекулы Эржигит – либеро.
30.06.2024. Беларусь уонна Казахстан икки ардыларыгар буолбут барыллаан оонньооһуҥҥа бастакы очкону Казахстан хамаандата сурунна. Туруоруута, быһыыта бу хамаандаҕа бастакыттан сатанна. Беларусь хамаандатыгар Владислав Никифоров олус күүскэ быһан, элбэх очкону аҕалла, казахстаннар таас блоктарын кыайа тутта. Бу оонньууга Казахстан 7 заменалаах, Беларусь – 6.
Көрөөччүлэр Казахстан хамаандатыгар ыалдьан, ыһыы-хаһыы. Либеро Айбекулы Эржигит кырдьык күүстээх көмүскээччи, барыларыттан көҥүл. Мухтар Нурасыл күүстээх быһааччы.
Беларусьтар Казахстаннар кэннилэриттэн тилэх баттаһан истилэр. Оонньуу чугаһын диэки Казахстан хамаандатын ситэн ыллылар. Бастакы партияны Беларусь, иккис партияны Казахстан ылла.
Үһүс быһаарыылаах партияҕа бастакы очкону Беларусь хамаандата ылла. Бииртэн биир күүстээх быһыы, блок, көмүскээһин, мындыр туруоруу, албыннааһын. Беларусь хамаандата 16:23 хотторон иһэр буолан, ыксаата, долгуйда. Хас да алҕаһы оҥордо, сыыһа-халты тутунна. Онтон Казахстан иннин диэки баран иһэр. Бу оонньууга Дюсебаев Жанибек бүтэһик очкону аҕалла. Инньэ гынан кыайыы Казахстан хамаандатын туhатыгар буолла. Утарсааччылар иккилии тэҥ кыайыылаах буолан, төрдүс партия саҕаланна. Уолаттар сылайыахтааҕар өссө эрчимирбит курдуктар.
Төрдүс партия саҕаланар. Беларусь оонньооччута Свилель Никита элбэх очкону аҕалла. Бу хамаанда уола Морхат Артур бүтэһик подачата кыайыыны аҕалла. Онон 25:23 ахсаанынан кыайыы Беларусьтар тустарыгар буолла.
Бэһис партия саҕаланар. Ахсаан 8:7. Оонньуур хонуулара уларыйан дуу, Казахстаннар уота-күөһэ суохтар. Ахсаан 11:11. Казахстан тайм-аут ылар. Сүбэлэһэллэр. Оонньуу салҕанар. Свилель Никита (Беларусь) күүстээх подачатын Казахстан кыайан ылбат. Инньэ гынан бэһис партия түмүгүнэн 15:12 ахсаанынан Беларусь хамаандата кыайда. Казахстаннарга дьэ кыһыылаах кыайтарыы буолла.
УРАЛЬСКАЙ ФЕДЕРАЛЬНАЙ УОКУРУК (УФО) – САХА ӨРӨСПҮҮБҮЛҮКЭТЭ
Уральскай Федеральнай уокурук (УФО) сүүмэрдэммит хамаандата
Кылаабынай тренер – Березина Елена
Тренер – Фролова Светлана
1. Латышев Дмитрий; 2. Морозов Василий – капитан; 4. Суворов Роман; 5. Кравченко Андрей; 6. Каменский Даниэль; 7. Бабешин Алексей; 9. Беляев Кирилл; 10. Фомин Даниил; 11. Маслов Арсений; 12. Барковский Андрей; 15. Швец Иван; 19. Муртазин Даниил – либеро.
Саха өрөспүүбүлүкэтин сүүмэрдэммит хамаандатын састааба
Кылаабынай тренер – Жерготов Айсен
Тренер – Иванов Бэргэн
1. Окоемов Егор – либеро; 2. Ефимов Альберт; 3. Данилов Айсен – либеро; 4. Тышканбаев Саян; 5. Афанасьев Алтан; 7. Иванов Арсен; 8. Мыреев Будимир; 9. Портнягин Артур; 10. Парников Валерий – капитан; 11. Шишигин Сулустан; 12. Баранкевич Алексей; 14. Федоров Дмитрий.
30.06.2024. Уральскай федеральнай уокурук (УФО) хамаандата кулун тутар ыйга ыытыллыбыт уокурук Первенствотыгар чемпионнаан, “Азия оҕолоро” оонньууларга кыттыыны ылар путевканы туппут.
Оонньууну дьиэлээх хаһаайын Саха өрөспүүбүлүкэтин хамаандата саҕалаата. Альберт Ефимов подачалаата эрээри бастакы очко УФО хамаандатыгар барда. Бииртэн биир алҕастар, сыыһа-халты туттуунуулар түмүгэр бастакы партия 25:13 ахсаанынан УФО туһатыгар буолла.
Иккис партияҕа тыҥааhыннаах киирсиилэр кэннилэриттэн 25:22 ахсаанынан биһиги хамаандабыт кыайыыны ситиһэн, көрөччүлэргэ улахан үөрүүнү бэлэхтээтэ.
Үһүс партияны УФО 25:13 ахсаанынан эрэллээхтик ылла. Төрдүс партияҕа ыалдьыттарбыт эмиэ кыайыы өрөгөйүн биллилэр. УФО волейболистара уҥуохтарынан уһуннара, техникаларынан, приемнарынан, көҥүллүк, киэҥник-куоҥнук тутта сылдьаллара элбэҕи быһаарда. Хамаанда састааба үгүстэрэ 1 миэтэрэ 90-тан тахса, Кирилл Беляев диэн 2 миэтэрэттэн тахса уһуннаах уолаттартан турар. Биһиги уолаттарбыт үгүстэрэ 170-180-тан тахса уһуннаахтар. 8 №-дээх оонньооччу Будимир Мыреев күүстээх быһааччы быһыытынан бэйэтин көрдөрдө, хамаандатыгар элбэх очкону аҕалла.
УРАЛЬСКАЙ ФЕДЕРАЛЬНАЙ УОКУРУК (УФО) –
ДАЛЬНЕВОСТОЧНАЙ ФЕДЕРАЛЬНАЙ УОКУРУК (ДФО)
Дальневосточнай Федеральнай уокурук (ДФО) сүүмэрдэммит хамаандата
Кылаабынай тренер – Наумова Юлия Валентиновна
Тренер – Борцов Дмитрий Александрович
- Билешевич Владимир; 2. Цырук Михаил; 3. Винник Кирилл; 4. Силютин Степан; 5. Гофман Степан; 7. Егоров Никита; 8. Андреев Андрей – капитан; 9. Зубарев Данил; 10. Лащенко Дмитрий; 11. Булгаков Артем; 12. Луговой Андрей; 15. Домарев Семен.
02.07.2024. Икки күүстээх хамаанда оонньуутун көрө элбэх киһи мустубут. УФО бу оонньууга тактикатын арыый уларытта. Сотору-сотору оонньооччуларын уларытар. Тренер уолаттарын күүһүн-кыаҕын харыстыыр, сынньатар. Бастакы партияны 20:25 ахсанынан ДФО хамаандата ылла. Бу хамаанда оонньооччулара мээчиги быhалларыгар олох күүскэ саайаллар. Утарсааччылар бэйэ-бэйэлэрин үчүгэйдик билсибиттэр, УФО оонньооччулара блогу бэрткэ баhылаабыттар. Инньэ гынан мээчиги төттөрү утааран иһэллэр. ДФО оонньооччуларын подачата ханан хайдах кэлиэхтээҕэр эрдэттэн бэлэм тураллар.
Иккис партияны 25:20 ахсаанынан УФО хамаандата ылла. Түмүк 1:1 буолла. Оонньуу өссө тыҥаан биэрдэ. ДФО уолаттара олох сүүрэ сылдьан оонньууллар, биир сиргэ турбаттар. Бэйэ-бэйэлэрин биир тыла суох өйдөһөллөр. Ким ханнык тактикаҕа күүстээҕин көрөн, турар миэстэлэрин уларыта сылдьаллар.
Хас подача, прием, блок аайы саалаҕа олорор доҕотторо ыалдьан хаһыы-ыһыы бөҕөтө. Уопсайынан, ДФО хамаандатыгар биир санааланыы, бары бииргэ тутуһан сылдьыы наһаа күүстээх эбит диэн көрдүм.
Икки тренердээхтэр. Биир тренер хамаанда уопсай тутулун салайар. Иккис тренер уолаттар утарсааччыларын көрөн үөрэтэр, кэтиир уонна онно сөп түбэһиннэрэн тайм-аут ылан, оонньуу тактикатын уларыта охсон утары уот ыытар курдук үлэлиир. Бу икки хамаандаҕа мээчиги үчүгэйдик туруорааччылар оонньуу таһымын үрдэттилэр. ДФО ыксаан ыгыллан ылла. Мээчиги быhалларыгар табыллыбакка аут түһэрэн утарсааччытыгар хас да очкону “бэлэхтээтэ”.
Үһүс партия 25:21 ахсаанынан түмүктэнэн, УФО туһатыгар буолла.
САХА ӨРӨСПҮҮБҮЛҮКЭТЭ – КАЗАХСТАН ӨРӨСПҮҮБҮЛҮКЭТЭ
02.07.2024. Бу күн “Стерх” өрө оргуйа олордо. Саха өрөспүүбүлүкэтин уолаттара Казахстан хамнаадатын кытта күөн көрүстүлэр. Бастакы партия бастакы очкотун Казахстан хамаандата сурунна.
Казахстан хамаандатын оонньооччута Дюсебаев Жанибек күүстээх охсуутун, Тлектес Бекзат подачатын ылар биһиги уолаттарбытыгар уустуктардаах буолла эрээри очко тэҥ тэҥҥэ баран иһэллэр. Саха сирин оонньооччуларын мээчиги быһыыларын Казахстан хамаандатын блога син тулуйбата. Очко 4:4 буолла. Саха сирин оонньооччуларын блога эмиэ күүстээх. Казахстан уола Хабибуллаев Азизбек өрө ыстанан тахсан, хамаандатыгар очко аҕалар. Бу сырыыга Казахстан подачатын биһиги уолаттарбыт кыайын туппатылар. Мухтар Нурасыл олох кыраhыабайдык, ыраастык мээчиги охсон хамаандатыгар очко аҕалар. Саха эдэр волейболистарын туһугар саала бүтүннүүтэ ыалдьар. Ол көмөлөстө. 25:23 ахсаанынан Саха сирин хамаандата бастакы партияны ылла.
Тохтобул кэмигэр “Кындыкан” этно-акроботическай академия үҥкүүһүттэрэ эҕэрдэлээтилэр.
Иккис партия саҕаланар Саха сирин хамаандатын оонньооччута Дмитрий Федоров бастакы очкону аҕалар. Казахстан хамаандата мээчиги атын сиринэн ыытан, албыннаан очкону тэҥниир. Казахстан хамаандатын подачатын Алтан Афанасьев уонна Егор Окоемов мээчиги тэҥҥэ ылан кэбиһэллэр. Очко 6:2 Казахстан туһугар. Биһиэттэрэ тайм-аут ылаллар. Оонньуу салҕанар. Сулустан Шишигин, Егор Окоемов утарсааччытын мээчигин блоктаан, хамаандатыгар эбии очко аҕалар. Ахсаан 15:8. Казахстан туһугар. Саха сирин хамаандата тайм-аут ылар. Оонньуу салҕанар. Казахстан оонньооччута Малик Мадияр күүстээх подачатынан эбии очко ылар. Иккис партияны Казахстан ылар. Ахсаан тэҥнэһэр, 1:1.
Үһүс партия саҕаланар. Казахстан оонньооччута хамаанда капитана, 2 миэтэрэлээх Акылбек Ернар бастакы очкону аҕалар. Ахсаан 1:5. Казахстан туһугар. Биһиэттэрэ тайм-аут ылаллар. Оонньуу салҕанар. Ахсаан 8:6. Казахстан туһугар. Ахсаан 13:12. Саха сирин хамаандата тилэх баттаһан иһэр. Казахстан ыксыыр, ыгылыйар. Санаан да көрдөххө, кинилэргэ ыарахан. Ыалдьааччылар бары кинилэри утары. Онно эбии “фуу”, “уу”, “бөө” диэн хаһыытыыллар.
Саалаҕа олорор ийэлэр, аҕалар, эбээлэр, эһээлэр, убайдар, эдьиийдэр – бары кыралыын-улаханныын атын дойдуттан кэлбит оҕолорун, сиэннэрин, бырааттарын кытта саастыы спортсмен оҕолору “фуу” “уу”, “бөө” дии олороллоро истэргэ наһаа куһаҕан. Мин маны сөбүлээбэтим. Кыбыһынным.
Казахстан оҕолорун тулуурдарын, кыайыыга дьулуурдарын сөхтүм. Ыалдьыттарбыт сыыһа-халты туттан, ыксаан, ыгылыйан хас да мээчиги аут ыыттылар. Итиччэлээх куһаҕан хаһыыга буолар буо. 22:19 ахсааҥҥа тиэрдэн баран, биһиэннэрэ тайм-аут ылаллар. Ахсаан 22:21. Казахстан туһугар. Үһүс партияҕа быһаарыылаах очкону Хабибуллаев Азизбек аҕалар. Ахсаан 23:25 Казахстан туһугар.
Төрдүс партия саҕаланар. Очко тэҥник баран иһэр. Саха сирин хамаандатыгар Алтан Афанасьев эбии очко аҕалар. Утарсааччылартан Хабибуллаев Азизбект сыыһа туттан, мээчиги бэйэтин сеткатыгар саайан, очко 9:8. Салгыы бараллар. 14:10 Казахстан туһугар. Саха сирин хамаандата хотторон иһэр. Тайм-аут ылар. Очко 25:15. Уолаттарбыт сыыһа-халты туттан, кыайыы Казахстан хамаандатын туһугар барар. Казахстан хамаандата түөрт барыллаан оонньооһуҥҥа үстэ кыайан полуфиналга киирдэ.
Алена КСЕНОФОНТОВА, VII кылаас, Хадаар, Чурапчы
Вилена Стручкова хаартыската, VIII кылаас,
С.К. Макаров аатынан Чурапчы гимназията
“Азия оҕолоро” оҕо пресс-киинин юнкордара