Общественнай уонна оскуолабыт эдэр кэрэспэдьиэннэрэ Кэбээйи улууһун «Дабаан» хаhыатын кылаабынай редактора Виктор Эверстовы уонна УлусМедиа сайт суруналыыстарын кытта кɵрүстүбүт. Виктор Викторович улууспут хаhыатын үлэтин кэпсээтэ, 80 сыллаах үбүлүɵйүнэн интэриэhинэй суруйуулары, айымньылаах үлэни ыытарга, туохха бары болҕомтолоох буолан таба кɵрɵн хаартыскаҕа, видеоҕа түhэрэргэ сүбэлээтэ.
Биллиилээх режиссер Александр Лукин УлусМедиа тэрилтэни кытта бары таптаан ааҕар Тимофей Сметанин «Мэхээлэчээн булчут кэпсээннэрэ» айымньытынан уста сылдьар уус-уран киинэни билиhиннэрдэ. Сүрүн оруолу Нам оҕото Дамир Дьяконов толорбут. Саха Сирин араас улуустарыттан кыыллары, кɵтɵрдɵрү буларга дьон-сэргэ үɵрүүнэн кɵмɵлɵспүт. Билигин Тимофей Сметанин туhунан документальнай киинэ бэлэмнии сылдьаллар эбит. Александр Лукин оскуолатааҕы (Нам 1 №-дээх оскуолата) кэмиттэн киинэ эйгэтинэн умсугуйан олохтоох телевидение «Саhарҕа» куруhуогар дьарыктаммыт. Куруhуок оҕолоро пластилинынан бастакы мультиктарын устубуттар.
Редактор солбуйааччыта Зинаида Григорьева УлусМедиа сайт ис хоhоонун, биллиилээх суруналыыс Елизавета Васильева суруйуу ирдэбиллэрин, видеограф Эвелина Попова билиҥҥи үлэ ньымаларын кɵрдɵрдүлэр, үɵрэттилэр.
Маастар-кылаас кыттааччылара бары интэриэhиргээн иhиттибит, Саха сирин улуустарын сонуннарын түмэр улахан тэрилтэ суруналыыстарын билистибит, Тимофей Сметанин үhүc киинэтин долгуйа күүтэбит.
Аня Иванова, 10 кылаас, «Нуклеус», Кэбээйи оскуолата.
Хаартыскаларга: көрсүһүү түгэннэрэ.
Вера Заровняева, Аня Иванова түһэриилэрэ.