Устудьуоннуур кэм — эдэр саас саамай кэрэ күннэрэ. Оскуолабытыгар Россия студеннарын күнүгэр аналлаах тэрээһин ыытылынна.
«Татыйааналар күннэрин» устуоруйатыттан сэһэргиир презентацияны «Радуга» оҕо тэрилтэтин салайааччыта Н.М. Степанова көрдөрдө. Оҕолор бу күн тоҕо Татыйаана аатынан ааттаммытын биллилэр, кэпсээни сэргээтилэр. Онтон 7 кылаас үөрэнээччитэ Кира Андреева Москва- Санкт-Петербург куораттарынан «Интегра» профтурга сылдьыбытын туһунан иһитиннэрдэ. «Студент күнэ» биктэриинэни оскуолабыт тьютора О.Ф. Дярикова бэлэмнээн ыытта. Оҕолор бу түһүмэххэ билиилэрин тургутан көрдүлэр. Онтон ZOOM платформаҕа ХИФУ студеннара быйыл үөрэххэ туттарсааччыларга анаан лекциялары аахтылар. Үрдүкү кылаас оҕолоро тэрээһинтэн элбэҕи билэн тарҕастылар.
Дайаана Гаврильева, 9 кылаас, «Эрчим» э/п. Дүллүкү, Үөһээ Бүлүү.