Мэҥэ-Хаҥалас улууһун, академик А.В.Чугунов аатынан Мэлдьэхси орто оскуолатын үөрэнээччилэрэ үөрэтэр учууталларыгар анаан айбыт хоһооннорун көрүҥ-сэргээҥ!
Учуутал эрэ…
Оскуолаҕа киирэр оҕо,
Эн өйдөө, доҕор!
Эйигин үөрэтэр киһи –
Учуутал!
Учуутал оннугар ким да үөрэппэт!
Учуутал оннугар ким да сырдаппат!
Учуутал эрэ барытын үөрэтиэ,
Сырдатыа уонна өйдөтүө!
Инна Чугунова, V кылаас
Учууталга
(Күннүк Уурастыыраптыы)
Олус да кэрэ,
Үөрэх диэн дьиҥэ!
Саҥаны билэбит,
Сонуну истэбит,
Олус да кэрэ!
Учуутал үөрэтиэ,
Учуутал быһаарыа,
Учуутал өйүөҕэ,
Учуутал өйдүөҕэ,
Олус да кэрэ
Үөрэх диэн дьиҥэ!
Оҕо үөрэнэрэ,
Оҕо сайдара,
Олус да кэрэ
Үөрэх диэн дьиҥэ!
Игнатьева Айыллаана, V кылаас
Учууталга
Учуутал идэтин ылаҥҥын
Оҕолору үөрэтэҕин.
Билии киэҥ аартыгар кынаттаары,
Дьоллоох киһи оҥороору,
Оҕолорго билии биэрээри,
Сырдыкка сирдээри
Бу сиргэ эн кэлбитиҥ
Учуутал буолаҥҥын!
Сокольников Арылхан, VI кылаас
Учууталга
Чуораан тыаһа лыҥкыныыр
Оҕолору ыҥыран,
Кылааска чуумпу сатарыыр
Учууталы истэҥнэр.
Учуутал түбүктээх үлэтин
Сыаналыаҕыҥ, оҕолоор!
Билиини иҥэринэн
Сиэрдээх дьон буолуоҕуҥ!
Тарабукин Артем, VI кылаас
Учуутал үрдүк аатыгар
Сырдыкка, кэрэҕэ көтүтэр
Учуутал истиҥ майгыта.
Үтүөнү-кэрэни үксэтэр
Үтүөкэн киһибит учуутал.
Төһөлөөх элбэх кэнчээри ыччаты
Үөрэххэ, билиигэ сирдээтин,
Муҥура суох истиҥ махталы
Ис сүрэхтэн эн ыллыҥ.
Махтанабын, күндү киһибэр,
Учуутал доҕорбор!
Алексеев Ярослав, XI кылаас
Учуутал үрдүк аатыгар
Оскуола боруогун атыллаан,
Маҥнайгы учууталбын көрсөммүн,
Үөрэх-билии аартыгын арыйан,
Инникибэр элбэххэ үөрэнним.
Бириэмэ эргийбэтин билэммин,
Оскуолам дьоллоох кэмин сыаналыам,
Күнү кытта кэлэрбин,
Күннүүн тэҥҥэ төннөрбүн.
Учууталым барахсан,
Эйиэхэ тиэрдиэм махталбын,
Сырдык суолга сирдээҥҥин
Арыйбытын санаабын.
Бииргэ үөрэммит оҕолорбун,
Махтал тылынан ахтыаҕым
Тапталлаах учууталларбын!
Слепцова Валерия, ХI кылаас.
