Арассыыйаҕа Аҕа дойдуну көмүскээччи, Өрөспүүбүлүкэҕэ Ийэ дойдуну көмүскээччи уонна Тааттаҕа Кыайыы сылларыгар аналлаах оскуола оҕолоругар ыытыллар «Кыталык Куо-2025» уонна «Үрүҥ Уолан-2025» күрэх Ытык-Күөл сэлиэнньэтигэр «Сатабыл» оҕо айымньытын дьиэтин тэрийиитинэн кулун тутар 7 күнүгэр бэрт сэргэхтик буолан ааста.
Саха нарын кыыһын, эркин курдук эрэнэр уол оҕо дьоҕурдарын, талааннарын, сатабылларын көрдөрүү, киэҥ көрүүгэ-истиигэ таһаарыы бу күрэх сүрүн сыалынан буолла. Өксөкүлээх Өлөксөй «Кыраһыабай кыыс» айымньытыгар суруйарын курдук «сайаҕас сайдам санаалаах», «куһаҕан диэни булбат», «майгылаах бастыҥа», «сүрэхтээх үтүөтэ» — «Кыталык Куо-2025» уонна чөл куттаах, сайдыылаах, кэскиллээх, дьоҕурдаах «Үрүҥ Уолан-2025» талыы буолар.
Күрэххэ 15-18 саастаах оскуолаҕа үөрэнэр кыргыттар уонна уолаттар, барыта 27 оҕо кыттыыны ыллылар.
Тааттабыт инники кэскиллэрэ, үөрэх, спорт бастыҥнара, талааннаах талбалара улуус 13 оскуолаттын кэлэн бэйэлэрин сатабылларын көрдөрдүлэр, күөн көрүстүлэр.
Күрэх түөрт түһүмэҕинэн ааста:
1. Кыргыттарга уонна уолаттарга тус – туһунан күрэхтэр.
— Кыыс тупсаҕайдык туттан, дьүөрэлээн араас оҥоһуктары оҥоро үөрэниэхтээх, киэргэтэн биэрэргэ сыстаҕас буолуохтаах. Хайдах, туохтан оҥоһулларын билэ-көрө сатыахтаах, чэбэрдик туттарга үөрэниэхтээх. Таатта буоларбытын көрдөрөр талахтан кур киэргэтэн оҥоруу;
— Уолаттарга чөл олоҕу пропагандалыыр сыаллаах, күүс-уох өттүн тургутан көрүүгэ сахалыы күүс оонньуулара: ох саанан ытыы, уһуну ыстаныы, мүнүүтэҕэ тардыныы буолла;
2. Талаан нөҥүө бэйэни билиһиннэрии;
3. Билиини-көрүүнү тургутан көрүүгэ – араас ыйытыктарга хоруйдаатылар;
4. Харах иҥнэр кэрэтэ, санаа иҥнэр абылаҥа түһүмэххэ вальс үҥкүүлээтилэр.
Орто туруу дойду кыталык курдук кынтайбыт, кырынаас курдук кылбайбыт, алаһа дьиэни арчылыыр кыыс оҕонон айхаллаан, уһун курбуу уҥуохтаах, быыппастар былчыҥнаах, булугас-талыгас, өйдөөх уол оҕонон уруйданан биһиги Тааттабыт киэн туттар ыччаттардаах буолууһубут.
Бары кыттааччылар бииртэн биир үчүгэй нүөмэри көрдөрөн көрөөччүлэри, дьүүллүүр сүбэни сөхтөрдүлэр, сонунтан сонун сатабылларынан соһуттулар, талааннарын таһааран үөртүлэр.
Күрэҕи сырдыгынан сыдьаайан, үөрүүнэн угуттаан иилээн-саҕалаан ыыттылар “Ситик” оҕо тэрилтэтин лидердара Инна Максимова уонна Афанасий Канаев.
Күрэхтэр дьүүллүүр сүбэлэринэн буоллулар:
Кыталык кыргыттарга:
— Сартаева Евдокия Ивановна – Оҕо айымньытын дьиэтэ Сатабыл старшай методиһа, дьүүллүүр сүбэ бэрэссэдээтэлэ.
— Захарова Татьяна Ивановна — «Кустук» оҕо образцовай драматическай театрын салайааччыта
— Тютрина Татьяна Алексеевна — Таатта улууһун үөрэҕин салалтатын начальнигын солбуйааччыта.
— Слепцова Саргылана Николаевна – Норуот айымньытын дьиэтин специалиһа, “Доҕордоһуу” оҕо, үҥкүү норуодунай ансаамбылын художнига.
— Аргунова Лидия Петровна – Таатта улууһун Киин библиотекатын сүрүн библиотекара, “Күн Чөмчүүк” норуодунай ансаамбылын чилиэнэ.
Уолан уолаттарга:
— Афанасьев Прокопий Егорович – Таатта улууһун үөрэҕин салалтатын сүрүннүүр специалиһа, дьүүллүүр сүбэ бэрэссэдээтэлэ.
— Другин Виктор Иннокентьевич — урбаанньыт, Таатта улууһун олохтоох салайыныы бэрэстэбиитэллэээх уорганын дьокутаата, Таатта Норуодунай тыйаатырын артыыһа, Өрөгөй эр дьоннор ансамбылын кыттыылааҕа, “Хапкаан” сахалыы уус уран киинэ сүрүн дьоруойа.
— Морхоев Айаал Борисович – Тааттыныскай нэһилиэк ыччатын лидера.
— Егоров Айал Тимофеевич–Урбаанньыт, кафе Chef Kitchen салайааччыта.
-Винокуров Роберт Афанасьевич – Тааттатааҕы уонна Чурапчытааҕы байыаннай комиссарын старшай көмөлөһөөччүтэ, старшай лейтенант, штурмовой рота командира, байыаннай дьайыылар ветерана.
Күрэх тэтимнээхтик, үрдүк таҺымнаахтык ааста, ол түмүгүнэн «Кыталык Куо-2025», «Үрүҥ Уолан-2025» аатын сүктүлэр: Виолетта Лукина Туора-Күөл орто оскуолатын үөрэнээччитэ уонна Николай Никонов Тааттатааҕы лицей үөрэнээччитэ буоллулар.
Номинацияларга тигистилэр:
Кыргыттар:
— Мисс «Очарование» — Майя Сенькина, Тааттатааҕы лицей
— Мисс «Грация» — Алина Унарова, Тааттатааҕы лицей
— Мисс «Интеллект» — Алина Захарова, Игидэй орто оскуолата
— Мисс «Талант» — Кюннэй Прохорова, Даайа Амма орто оскуолата
— Мисс «Дружба» — Марина Дохунаева, Харбалаахтааҕы образовательнай комплекс
— Мисс «Национальный костюм» -Чэмэлиинэ Комиссарова, Чычымах орто оскуолата
— «Приз зрительских симпатий» — Виолетта Лукина, Туора – Күөл орто оскуолата
— Мисс «Фото» — Сандаара Потапова, Баайаҕа орто оскуолата
— Мисс «Творчество» — Нелли Матвеева, Дьохсоҕон орто оскуолата
— Мисс «Улыбка» -Кира Нехчоенова, Туора – Күөл 1 нүөмэрдээх орто оскуолата
— Мисс «Стиль» — Айыллаана Аржакова, Уолба орто оскуолата
— Мисс «Сатабыл» — Александра Жегусова, Чөркөөх орто оскуолата
— Мисс «Изящество» — Оляна Колодезникова, Уус Таатта орто оскуолата
Уолаттар:
— Мистер «Талант» — Айтал Борисов, Чөркөөх орто оскуолата
— Мистер «Интеллект» — Артем Васильев, Туора — Күөл орто оскуолата
— Мистер «Дружба» — Айтал Кириллин, Тааттатааҕы лицей
— Мистер «Национальный костюм» — Петр Неустроев, Чычымах орто оскуолата
— «Приз зрительских симпатий» — Николай Никонов, Тааттатааҕы лицей
— Мистер «Спорт» — Ариан Неустроев, Уолба орто оскуолата
— Мистер «Бэргэн» — Александр Оконешников,Харбалаахтааҕы образовательнай комплекс
— Мистер «Стиль» — Ньургун Неустроев, Баайаҕа орто оскуолата
— Мистер «Стремление» — Андрей Поленов, Дьохсоҕон орто оскуолата
— Мистер «Сатабыл» — Дархан Огонеров, Ытык – Күөл бастакы нүөмэрдээх орто оскуолата
— Мистер «Фото» — Никита Григорьев, ДаайаАмма орто оскуолата
— Мистер «Креатив» — Иннокентий Никифоров, Игидэй орто оскуолата
— Мистер «Позитив» — Мичил Спиридонов, Харбалаахтааҕы образовательнай комплекс
— Мистер «Улыбка» — Ярослав Чириков, Уус – Таатта орто оскуолата
Күрэх үрдүк таһымҥа барарыгар уонна кыттааччылар түһүмэхтэргэ бэлэмнэнэн киириилэригэр бириэмэ биэрэн ыллаан-туойан, үҥкүүлээн киэргэттилэр: «Танцевальный MIX» куруһуок үҥкүүһүттэрэ, Тааттатааҕы лицей барабанщиктарын бөлөҕө, “Сатабыл” мода студиятын кырачаан кыргыттара, “Ситик” оҕо тэрилтэтин үҥкүүһүттэрэ, “Сайдам” оҕо тэрилтэтин үҥкүүһүттэрэ, ырыһыттара, Сайыына Блахирова акробатика, Аина Табунанова хомус, тойук, “Сатабыл», Амила Тистяхова ийэтинээн Людмила Павловалыын, Туора-Күөл орто оскуолатын «Дьиэрэҥкэй» оҕо үҥкүү образцовай ансаамбыла, Вика Власова, Алина Аржакова, Тааттатааҕы лицей кыргыттарын ансаамбыла, оҕо айымньытын дьиэтин педагог – организатора Антон Винокуров ырыанан киэргэттилэр.
Тэрийээччилэр ааттарыттан бары спонсордарбытыгар, күрэххэ кыттыбыт оҕолорбутугар, дьүүллүүр сүбэҕэ уонна күндү көрөөччүлэрбитигэр барҕа махталбытын тиэрдэбит. Таатта улууҺун оҕону үтүөҕэ-кэрэҕэ угуйар, үөрэтэр оҕо айымньытын дьиэтэ «Сатабыл» ыытартэрээһиннэригэр инникитин да көхтөөхтүк кыттаргытыгар, сэмэй кылааккытын киллэрэ тураргытыгар баҕарабыт.
Күрэхпит ситиһиилээхтик, үөрүү үктэлинэн угуттанан, өрө көтөҕүүлээхтик ыытылларыгар күүс-көмө буолбут спонсордарбытыгар улахан махталбытын этэбит. Эһиги көмөҕүт, өйөбүлгүт биһиги тэрилтэбит үлэтэ-хамнаһа ситэри буоларыгар улахан төһүү күүс буолар. Тааттабыт ыччата куруутун үөрэ-көтө, үүнэ-сайда сылдьалларыгар, төрөөбүт улууспутугар күүс-көмө, эрэллээх тирэх буолар дьоннордоох эбиппит диэн астына, махтана олороллоругар улаханоруоллааххыт, дириҥ махталбытын этэбит.
Тааттатааҕы «Сатабыл»
оҕо айымньытын дьиэтэ.
keskil14.ru