Волонтер диэн бэйэтин баҕа санаата баһыйан, үтүө санааттан көмөнү, туһаны оҥорор киһи диэн быһаарыахха сөп. Волонтерство араас хайысхалаах буолар. Холобур, медик волонтердар, медиа волонтердар, эколог волонтердар, культура волонтердара, социальнай эйгэ волонтердара о.д.а.
Биһиги кылааспыт салайааччыта М.Г. Попова көҕүлээһининэн волонтердар хамсааһыннарыгар кыттарга холонобут. Ол курдук «Эдэр доброволец» диэн өрөспүүбүлүкэтээҕи күрэххэ бастакы түһүмэҕэр кэтэхтэн кыттан «Сосновай борга» Тааһаҕар оскуолатын «Seven up» эдкордара биэс буолан талыллан кэллибит. Тохсунньу 27 күнүттэн олунньу 9 күнүгэр дылы сылдьабыт. Бу манна иккис түһүмэххэ бырайыакпытын көмүскүөхтээхпит.
Биһигини икки академияҕа араарбыттара. Мин иккис этэрээккэ түбэстим, баһаатайбыт — Денис Николаевич. Бастакы күҥҥэ кэлбит оҕолору кытта көрсүһүү, билсиһии буолла. Аһылыктара үчүгэй. Бу күннэргэ тэрээһиннэргэ биһиги, иккис академиялар, 1 миэстэ буолан, «Один» диэн «Сосновый бор» символын тутан киэн тутта үөрдүбүт.
Саяна Григорьева, «Seven up», Тааһаҕар оскуолата.