Саха гимназия IV «В» кылааһын Лариса Алексеевна Корякина салайар. Кылааска 26 оҕо баар: 15 уол, 11 кыыс. Оҕолор «Кэскил» хаһыакка сылын аайы суруйтараллар, ыкса ситимнээхтик үлэлииллэр. Бэйэлэрин сонуннарын «Кэскилгэ» ыыталлар, таһаараллар уонна онуоха аналлаах альбомнаахтар. Онно хаһыаттан сөбүлээн аахпыт ыстатыйаларын, айымньыларын, араас таайбараҥнары, онтон да атын матырыйааллары ылан түмэн иһэллэр уонна кылааска бииргэ үөрэнэр доҕотторугар кэпсииллэр.
Кылаас оҕолоро үгүс куораттааҕы, өрөспүүбүлүкэтээҕи олимпиадалар, научнай кэмпириэнсийэлэр, күрэхтэр кыайыылаахтара, призердара. Быйылгы үөрэх дьылыгар өрөспүүбүлүкэтээҕи «Классный класс-2023» күөн күрэс I истиэпэннээх дипломаннара буолбуттара.
Бу күннэргэ IV «В»-лар «Кэскил» хаһыаты суруйтардылар. Онон балаҕан ыйыттан ахсынньыга диэри кинилэр «Кэскиллээхтэр». Төрдүстэр холобурдарын эһиги эмиэ батыһыҥ. Хаһыакка, сурунаалга суруйтарыан баҕалаахтар 89142201780 нүөмэргэ суруйан биллэриҥ.
Жанна Леонтьева.