Нам улууһун саамай кырыы сытар Салбаҥ нэһилиэгэр муус устар 28 күнүгэр, Егор Михайлович Ларионов аатынан Салбаҥ оскуола-саадыгар үлэ, үөрэх бастыҥнарын чиэстиир “Ассамлея достижений” тэрээһин буолан ааста. Үгүс үөрэнээччилэр анал ааттарга тиксэннэр үөрдүлэр. Ол курдук быйылгы үөрэх үөрэх дьылыгар “Сыл бастыҥ спортсменын” үрдүк аатын 9 кылаас үөрэнээччитэ Эверстов Данил ылла.
![](https://keskil14.ru/wp-content/uploads/2023/05/8d65fdfc-db21-42b0-86d5-249f120ef99e-1-1024x768.jpg)
Данил, Е.М. Ларионов аатын сүгэр Салбаҥ орто оскуолатыгар маҥнайгы кылаастан үөрэнэр. 12 сааһыттан утумнаан спордунан дьарыктанан саҕалаабыт. Сүрүннээн мас тардыһыытынан уонна остуол тенниһинэн дьарыктанар.
![](https://keskil14.ru/wp-content/uploads/2023/05/6ca0dd2d-7db9-4941-aa3c-3f07501df0be.jpg)
Быйылгы үөрэх дьылыгар Данил нэһилиэк, улуус, республиканскай да таһымнаах күрэхтэргэ көхтөөхтүк кыттан үгүс ситиһиилээх. Ол курдук тохсунньу 10 күнүгэр буолбут улуустааҕы “Ат-бөҕө, кус-быһый” диэн күрэххэ кыттыбыта, тохсунньу 24 күнүгэр Нам улууһун Н.А. Дьяконов аатынан мас тардыһыытын чемпионатыгар, комплекснай спартакидаҕа зачет иһин 3-с бочуоттаах миэстэҕэ тиксибитэ. Олунньу 10 күнүгэр мас тардыһыыга Нам улууһун кубогар эмиэ 3-с миэстэ буолан биирдиилээн уонна хамаанданан республикатааҕы чемпионатка кыттар чиэскэ тиксибитэ. Бу чемпионат кулун тутар 10 күнүгэр Дьокуускай куоракка Баһылай Манчаары аатынан Модун спорт уораҕайыгар ыытыллыбыта. Манна Данил 5-с миэстэҕэ тиксибитэ.
Бу сөбүлүүр дьарыгар кинини, быйылгыттан саҥа физкультура учууталынан үлэлиир Петр Валерьевич Лугинов эрчийэр. Түгэнинэн туһанан Петр Валерьевиһы эмиэ “Бастыҥ эдэр учуутал” номинация хаһаайына буолбутунан эҕэрдэлиибит.
![](https://keskil14.ru/wp-content/uploads/2023/05/acaa053e-98f2-4ea1-aec6-9925e9463ab6-1-edited.jpg)
Данилга баҕарабыт экзаменнарын ситиһиилээхтик туттаран, сөбүлүүр үөрэҕэр туттарсан киирэригэр уонна өссө да инникитин сөбүлүүр дьарыгар үрдүк ситиһиилэри, тулууру, дьулууру! Өрүү спорду өрө тутан, мэлдьи кыайыы кынаттаах сылдьарыгар баҕарабыт!
Вика Устинова
8 кылаас. Нам улууһа, Салбан.