Федорова Нарияна Сунтаар улууһун А.К.Акимов аатынан Күүкэй орто оскуолатын 2-с кылааһын үөрэнээччитэ. Кини иллэҥ кэмигэр ас астыырын, таҥас кырадаһынан оонньуур тигэрин сөбүлүүр. Кыра кыысчаан тугу сатаабытын үөрэ-көтө саастыылаахтарыгар видеоролик оҥорон үллэстэр.
Нарияна Федорова Сунтаар Күүкэйигэр олорор. Бэйэтэ тугу сэргиирин интернеттэн, сурунаалтан булан билиитин хаҥатар. Ас астаан дьонун-сэргэтин, аймахтарын ыҥыран күндүлүүр.
Ийэтэ Наталья Петровна кыыһын аһа минньигэс буоларыгар сүбэтэ-соргута элбэх. Нарияна туох баар дьарыгын түмүгүн сыаналааччы, сэргээччи ийэтэ уонна убайа Ярик буолаллар. Кырачаан хаһаайка билэрэ-көрөрө, сатыыра күнтэн күн кэҥээн иһэр.
Ааптар: «Кустук» пресс киин, Күүкэй