«Поиск» краеведческай хайысхалаах этэрээт (сал. Н.И. Семенова, Е.П. Флегонтова) «Төрөөбүт улууһун устун айан» диэн бырайыак чэрчитинэн этэрээт патриотическай тыыҥҥа иитэр, уhулуччулаах дьоннорбут олохторун, билиhиннэрэр үөрэтэр сыаллаах-соруктаах экскурсияҕа сылдьан кэллилэр.
Экскурсиябыт бастакы хайысхата: И.Е. Винокуров аатынан педколледж. Оҕолор уhулуччулаах госполитическай деятель И.Е. Винокуров олоҕун, үлэлээбит кэмнэрин, сахатын норуотугар өҥөтүн, дойдутун сайдыытыгар киллэрбит кылаатын историятын билистилэр. Маны таhынан колледжка саха норуотун, өбүгэлэрбит таҥастарын-киэргэллэрин, симэхтэрин көрдүлэр. Картиннай галереяҕа сылдьан устудьуоннар, преподавателлэр үлэлэрин көрдүлэр, «Түөлбэ» выпускницата Регина Габышева оҕолорго бэйэтин үлэлэрин, хартыыналарын билиhиннэрэн бэсиэдэ оҥордо. Оҕолор хартыыналары, скульптуралары олус сэҥээрдилэр. Салгыы спортивнай сааланы көрдүлэр. Ол кэнниттэн пааркаҕа тиийэн улууспут биллэр норуот маастардарын Олоҥхо геройдарыгар анаммыт оҥоhуктарын көрдүлэр, үөрэттилэр. Сибиэhэй салгыҥҥа сылдьан Наммыт айылҕатын кэрэтин көрөн, хамсаныылаах-сүүрүүлээх оонньуулары оонньоон-көрүлээн дуоhуйдулар.
Иккис хайысхабыт эбиэттэн киэhэ буолла. «Ааспыт кэм ахтылҕана» Васильевтар дьиэ кэргэн ретро-коллекциятын көрөн сэргээн кэллилэр. Экскурсиябыт бүтүүтэ төрөөбүт дойдубут кэрэ айылҕатын көрдүлэр.
«Фабрика звезд» этэрээт оҕолоро (сал. Т.С. Уваровская) «Пионерия суолунан» диэн тиэмэлээх Васильевтар дьиэ кэргэн тэрийбит ретро-музейга экскурсиялаатылар. Ол кэнниттэн Краеведческай музейга экскурсиялаатылар. Ол быыһыгар модульнай бырагырааматынан хомуска дьарыктар буоллулар. Оҕолор астынан дуоһуйа сылдьаллар лааҕырга, уруһуйдууллар, остуол араас оонньууларынан дуоһуйа оонньууллар, мусуойга сылдьаллар.
«Юный фермер»этэрээт (сал. С.А. Жиркова, Н.В. Сыромятникова) оҕолоро икки грядканы тиэрдилэр, хвощ полевой хомуйдулар, сибэкки рассадаларын олортулар. Кроликтары аһаттылар, кинилэргэ анаан үөт лабаатын бэлэмнээтилэр. «Юный модельер» этэрээт (сал. Ходьуку Намылы Кыыһа, М.С. Корякина) модульнай бырагырааманан сувенирнай куукулалары оҥороллор, музейдарга экскурсияҕа сылдьан, сибиэһэй салгыҥҥа оонньоон олус көхтөөхтөр. «Малая киноакадемия» этэрээт оҕолоро (сал. М.С. Герасимова) ретро-музейга элбэх интэриэһинэйи истэн-билэн оҕолор үөрдүлэр.
Н.И. Семенова, «Поиск» этэрээт салайааччыта.