Кырдьыбат киһи, сүөһү, харамай, үүнээйи суох. Кырдьыы айылҕа халбаҥнаабат сокуона. Сорох дьон кырдьыыны кырыыс диир. Мин кырдьыыны дьол диибин. Санаатахха, дьоло суохтар эдэр саастарыгар чугас дьоннорун хаалларан , олохтон бараллар.
______________________________________________________________________________________________________________________________
Биллэрин курдук, сааһырбыт дьон бытаарар, доруобуйата мөлтүүр. Ордук харах көрөрө. Мин икки сыллааҕыта харах балыыһатыгар доҕорбун көрсүбүтүм. Кини хараҕын алтата эпирээссийэлэппит этэ. Кыратык сирдэтэн сылдьарыттан быраастарга махтала муҥура суоҕа.
Биһиги аҕыс уоммутун ааспыт дьон дьиэҕэ олоробут. Тэлэбиисэри көрөн. Араадьыйа истэн аан дойду сонунун барылын билэбит. Телевидение аныгы сайдыыта сөхтөрөр. Сибилигин буола турар бырааһынньыгы, күрэхтэһиини эфирга быһа көрдөрөр. Саха сиригэр успуорт, ускуустуба, үөрэхтээһин, мэдиссиинэ, наука сайда турар. Ыччат онно көхтүүлээхтик кыттара үөрүүлээх.
Этэрим курдук, киһи олоҕо кылгас. Эр дьоҥҥо өстөөх сааһынан – 70-73-с буолар. Холобур, улуу дьонтон Англия биолога Ч.Дарвин, химик Д.И. Менделеев 73-түү сыл, онтон полководец А.В.Суворов 70 сыл олорбуттар.
Киһи олоҕо бэйэтиттэн тутулуктаах. Эдэр саастан сүүрүн-көтүн, чөл олоҕу бытыһын. Үгүс саханы саҥнарбыт арыгыга сэрэхтээхтик сыһыаннаһыҥ. Дьиэ-уот тэринин, оҕо-уруу үөскэтин.
Кырдьар сааска оҕолордоох, сиэннэрдээх буолар көмөлөөх эбит.
Пантелеймон Романович Дарбасов,
ветеран-педагог ахтыытыттан